नेपाली कांग्रेस कैलालीके सभापतिमे नृपबहादुर सुनार उम्मेदवारी घोषणा कर्ले बाटै । सुनार शुक्रबार धनगढीमे पत्रकार सम्मेलन कर्ती आगामी जिल्ला अधिवेशनमे सभापति पदके लाग उम्मेदवारी देना घोषणा कर्ले बाटै । 
विद्यार्थी राजनीतिसे पार्टी राजनीतिमे आइल सुनार हाल नेपाली कांग्रेस कैलालीके सचिव बाटै । उहा कांग्रेसके १५औँ महाधिवेशनअन्तर्गत कैलाली क्षेत्र नम्बर ५ से महाधिवेशन प्रतिनिधिसमेत चयन हूइल बाटै । 
उम्मेदवारी घोषणा कर्ती सुनार जिल्ला सभापति बन्के कैलाली कांग्रेसहे एकढिक्का बनैना आपन लक्ष्य रहल बतैल । पार्टीभित्रर एकता बलियो बनैती संगठनहे थप सुदृढ बनैना उहा बताइल बाटै । कांग्रेसके जिल्ला अधिवेशन केन्द्रीय महाधिवेशनपाछे हुइना बा । सुनार सुदूरपश्चिम निती ओ योजना आयोगके पूर्वसदस्य फेन  हुइतै ।