कैलालीके विभिन्न स्थानसे भारतमसे भन्सार छली से लानल करिब १ लाख रुपैयाँसे ज्यादा मूल्यके सामान प्रहरीहूक्रे बरामद कर्ल बाट । 
सोमबार जिल्ला प्रहरी कार्यालय कैलाली ओ मातहतके प्रहरी कार्यालयसे खटल टोलीहूक्र बेवारिसे अवस्थाम रहल सुर्ती, चुरोट, गुट्खा, अटोके कप्लिङ रबर, इलेक्ट्रोनिकलगायतके सामान फेला पारल बाट । 
प्रहरीके अनुसार बरामद सामानके अन्दाजी मूल्य १ लाख ७ हजार १ सय रुपैयाँ रहल बा । आवश्यक प्रक्रिया पूरा कैके यी सामान प्रहरीहूक्र नियन्त्रणम लेहेल जनाइल बाट ।