धनगढीः सुदूरपश्चिम प्रदेश सरकारके नेतृत्व कर्ती रहल नेपाली कम्युनिस्ट पार्टी (नेकपा)े बजेट विवाद समाधान करेलाग संसदीय छानबिन समिति गठन कर्ना निर्णय कर्ले बाटै । आज बैठल संसदीय दलके बैठकसे उक्त निर्णय कर्ले रहित ।
आइतबार सार्वजनिक हुइल बजेट पारित कर्ना ओ बजेटमे देखाइल बेथिति छानबिनमार्फत हटैना निर्णय हुइल नेकपा सांसद अक्कल रावल जानकारी देल । उहाके अनुसार प्रदेशसभासे अनुमोदन हुइना कैके संसदीय छानबिन समिति गठन कनाइ बातिन् । समितिसे छानबिन कैके कात्तिक १५ गतेभित्रर बजेटमे रहल बेथिति पूरक बजेटमार्फत हटैना सहमति हुइल उहा बतैल । 
‘आबे आइतबार सार्वजनिक हुइल बजेट नै पारित कर्ना तर पुँजीगत खर्च नैकर्ना सहमति हुइल बा ।,’ रावलले कल । आर्थिक वर्ष सुरु हुइल  ८५ दिनपाछे सार्वजनिक हुइल सुदूरपश्चिम प्रदेश सरकारके चालु आर्थिक वर्षके बजेट सत्तारुढ दलभित्रर विवादमे सुरु हुइल रहे । बजेट निर्माणमे बिचौलियाके प्रभाव, कमिसनके खेल ओ पहुँचके आधारमे योजना छनोट करल आरोप लागल रहे ।  
आइतबार आर्थिक मामिलामन्त्री चक्रबहादुर मल्ल ३७ अर्ब ७० करोड रुपैयाँके बजेट प्रदेशसभामे प्रस्तुत कर्ले रहित ।  तर, बजेटउपरके छलफल कलेसे सुरु नैहुइल हो । आज बिहान ९ बजे बोलाइल प्रदेशसभा बैठक १ बजेके लाग सारल बाटै । नेकपाभित्रर हुइल सहमतिसे बजेट आज पारित हुइना सम्भावना रहल बताइल बाटै ।