प्रदेश सरकारके नेतृत्व कर्तीरहल नेपाली कम्युनिस्ट पार्टी (नेकपा) आज संसदीय दलके बैठक आह्वान कर्ले बा ।
सुदूरपश्चिम प्रदेशके मुख्यमन्त्री ओ नेकपा संसदीय दलके नेता खगराज भट्ट दिनके ३ बजे संसदीय दलके बैठक बोलाइल बाट ।
आपन दलभित्रर असन्तुष्टि ओ विवाद देखाइल बेला मुख्यमन्त्री भट्ट बजेट निर्माण ओ सरकार सञ्चालनके विषय छलफल कर्ना दलके बैठक बोलाइल रहित ।
अघिल्लो सरकारहूक्र लानल बजेट पारित नैहोके सुदूरपश्चिम प्रदेश सरकार साउनसे बजेटविहीन अवस्थाम बा । मुख्यमन्त्री भट्ट असोज १५ गतेभित्रर चालु आर्थिक वर्षके बजेट लन्ना तयारी कर्ति रहल बाटै । सोही तयारीके बीच नेकपा संसदीय दलके बैठक बैठ लागल बाटै ।
मुख्यमन्त्री भट्ट यकआघ भदौ मसान्तभित्रर बजेट लन्ना बताइल रहित । तर राजनीतिक विषय मिलैना समय लागल बजेट लन्ना ढिलाइ हूइल उहाके भनाइ बाटिन् । आब कलेसे असोज दोस्रो साताभित्रर बजेट लन्ना तयारी हूइती रहल उहा बतैल बाटै ।
उहाके अनुसार आर्थिक मामिला मन्त्रालयहूक्र बजेट निर्माणके लाग मार्गदर्शन सम्बन्धित मन्त्रालयहूकनहे पठासेकल बाटै । सांसदहूकनसँगे योजना सिफारिस मग्ना तयारी हूइल बा कलेसे ९ गतेसम्म मन्त्रालयसे फेन योजना मग्ना सरकारहूक्र तयारी कर्ल बाटै ।
‘आगामी तीन–चार दिनम बजेट निर्माणके अधिकांश काम पूरा कर्ना सरकारके लक्ष्य बा । असोज १५ भित्रर बजेट लन्ना तयारी कर्ती बाटी , ,’ मुख्यमन्त्री भट्टले कलै ।
बजेट निर्माणसँगे सांसदहूक्रे योजना सिफारिस करपैना बजेटके सीमा, मन्त्रालयम सचिव पठैना लगायतके विषय फेन टूगैना बाँकी बा । अघिल्लो सरकारहूक्र सांसदहरूहे योजना सिफारिसके लाग उपलब्ध करल रकमहे
निरन्तरता देना ओ घटैना कना विषयम समेत छलफल हुइना बाँकी बा ।
