प्रधानमन्त्री वालेन्द्र शाह संयुक्त राष्ट्रसङ्घके ८१औँ महासभाम सहभागी हुइलाग न्युयोर्क पूगल बार्टै । प्रधानमन्त्री शाह नेपाली उच्चस्तरीय प्रतिनिधिमण्डलके नेतृत्व कर्ती महासभाम सहभागिता जनाइलाग अमेरिका पूगल बाटै ।  
प्रधानमन्त्री शाहहे न्युयोर्कम संयुक्त राष्ट्रसङ्घके लाग नेपालके स्थायी प्रतिनिधि राजदूत लोकबहादुर थापा, अमेरिकाके लाग नेपालके कार्यवाहक राजदूत शरदराज आरण ओ न्युयोर्कस्थित नेपाली महावाणिज्यदूतावासके महावाणिज्यदूत दधी राम भण्डारीे स्वागत करल रहित । प्रधानमन्त्री शाहके टोली प्रमुख सल्लाहकार कुमार बेनसहित अन्य सदस्यहूक्र रहल बाटै ।
प्रधानमन्त्री शाह महासभाके उच्चस्तरीय छलफलअन्तर्गत सेप्टेम्बर २४ म सम्बोधन कर्ना कार्यक्रम रहल बा । सोही दिन प्रधानमन्त्री शाह संयुक्त राष्ट्रसङ्घके महासचिव एन्टोनियो गुटेरेससँगे समेत भेटवार्ता कर्ना कार्यक्रम रहल बा । प्रधानमन्त्री शाह अमेरिका एैनासे आघ परराष्ट्रमन्त्री शिशिर खनाल न्युयोर्कम आयोजित विभिन्न द्विपक्षीय ओ साइडलाइन कार्यक्रम ओ भेटवार्ताम व्यस्त रहल बाटै । परराष्ट्रमन्त्री खनाल महासभाके अवसरम विभिन्न मुलुकके समकक्षी ओ उच्चस्तरीय प्रतिनिधिसँगे भेटवार्ता कर्ती नेपालके द्विपक्षीय सम्बन्ध, बहुपक्षीय सहकार्य ओ समसामयिक अन्तर्राष्ट्रिय विषयम छलफल कर्ती  बाटै ।