धनगढीः धनगढीके तीन जाने लागूऔषधसहित पक्राउ परल बाटै । धनगढी उपमहानगरपालिका–३ डिके पेट्रोल पम्प लग्घसे लागूऔषध ब्राउन सुगर २४८ मिलिग्रामसहित सोही ठाउँ बैठ्ना २८ वर्षीय युवक पक्राउ परल बाटै ।
ती युवकहे जिल्ला प्रहरी कार्यालय कैलालीसे खटल प्रहरी टोलीहूक्र आइतबार दिनके उक्त पदार्थसहित फेला पार्के पक्राउ करल जनाइल बाटै ।
अस्तके, धनगढी उपमहानगरपालिका–६ जाईसे अवैध लागूऔषध ब्राउन सुगर २०२ मिलिग्रामसहित सोही ठाउँ बैठ्ना २२ वर्षीय ओ ३८ वर्षीय पुरुष पक्राउ परल बाटै । यी दुनू जनाहूकन जिल्ला प्रहरी कार्यालय कैलालीसे खटल प्रहरी टोलीहूक्र आइतबार रातके पक्राउ करल जनाइल बाटै ।
