प्रधानमन्त्री वालेन्द्र शाह रसुवाक भोटेकोशी नदीम आइल बाढीपाछके पुनःस्थापनाके लाग स्रोतके कोनो फेन कमी हुइ नैदेना प्रतिबद्धता व्यक्त कर्ले बाटै ।
बाढी प्रभावित क्षेत्रके जनप्रतिनिधिसँगे आज प्रधानमन्त्री ओ मन्त्रिपरिषद् कार्यालयमे छलफल कर्ती प्रधानमन्त्री शाह पुनःस्थापनाके लाग सरकारहुक्र आपनसँगे रहल ओ दातृ निकायसे उपलब्ध करल स्रोत साधन प्रयोग कर्ना तयारी कर्तीरहल बताइल बाटै । प्रधानमन्त्रीके प्रेस ओ अनुसन्धान विज्ञ दीपा दाहाल जानकारी देलिन् ।
उहा बाढी प्रभावित स्थानीय तहके जनप्रतिनिधिसँग आजके छलफल उहाहुक्रे मनोबल उच्च कर्ना सहयोगी हुइना विश्वास व्यक्त कर्ल । छलफलके क्रमम प्रधानमन्त्री शाह प्रभावित क्षेत्रके जनप्रतिनिधिसे विपद्के बेला सङ्घ, प्रदेश ओ स्थानीय तहबीचके तत्कालै समन्वय हुइल बाट सुनेपाके खुसी लागल कैके  बतैलै ।
 उहाहुक्र जनप्रतिनिहुकन लक्षित कर्ती कलै , “यकरआघे सङ्घ, प्रदेश ओ स्थानीय तहबीच समन्वय नैहुइ कना बाट सुन्ती आइल रहि, तर यहे विपद्मा हाम्रे एक्के ठाउँमे थरैली, मिल्के काम कर्ली ।”
प्रधानमन्त्री शाह सरकार प्रभावित क्षेत्रमे सेक्नासम्म हली सडक सञ्जाल पुनःस्थापना कैना कैके निरन्तर काम कर्तीरहल उल्लेख कर्ल बाटै । उहाहुक्र सडक सञ्जाल सञ्चालनमे एैनासँगे प्रभावित पूर्ववत् अवस्थातर्फ स्वतःस्फूर्त फिर्ता होके सहज हुइना विश्वास व्यक्त कर्ल बाट ।
छलफलके क्रममे प्रधानमन्त्री शाह आप्नेही सुरुआतसेही नदी तटीय क्षेत्रमे रहल बस्ती जोखिमम रहल विषय उठैती आइल बतैल ।
उहाहुक्र स्थानीय जनप्रतिनिधि कहल जस्ते  अब रसुवा बाढीसे प्रभावित तटीय क्षेत्रम पुनः बस्ती बैठैना सम्भव नैहुइना बतैल । ओकर लाग सरकारहुक्रे प्रभावित क्षेत्रसे लघेके तर सुरक्षित स्थानम बस्ती बैठैना कैके तयारी सुरु करल जानकारी कर्ल बाटै ।