भोटेकोशी बाढीके कारण स्थगित हूइल ‘सुदूरपश्चिम गाईजात्रा सिजन–२’ म यहे भदौ ३० गतेके लाग तय हूइल बा ।
कैलालीके धनगढीम बुधवार आयोजित पत्रकार सम्मेलनम आयोजक बैजनाथ सञ्चार प्रालिहूक्र यहे भदौ ३० गते कार्यक्रम तय हूइल जनाइल बाट । संस्थाके प्रबन्ध निर्देशक सरस्वतीकुमारी खड्का भट्ट प्राकृतिक विपद्के कारण देश शोकमग्न ओ विषम परिस्थितिम रहल निर्धारित कार्यक्रम स्थगित कर्के पुनः आयोजना कर्ना जानकारी देलिन् ।
कार्यक्रमम उहा राष्ट्रिय हास्यव्यङ्ग्य कलाकार मनोज गजुरेल, जोगेन्द्र पानवाला (शिवशङ्करप्रसाद रिजाल), मूलासाग (सुरेन्द्र केसी) लगायत राष्ट्रिय ओ स्थानीय कलाकारके विशेष प्रस्तुति रहना बतैल । कार्यक्रमम हास्यव्यङ्ग्य नाटक, प्रहसन, कविता, गीत–सङ्गीत, देउडा ओ सुदूरपश्चिमके मौलिक लोक ओ सांस्कृतिक प्रस्तुतिमार्फत समसामयिक सामाजिक विषयम व्यङ्ग्यात्मक सन्देश प्रवाह कर्ना आयोजकहूक्र जनाइल बाट ।
‘सुदूरपश्चिम गाईजात्रा–२’ मनोरञ्जनम कील सीमित नैहोके समाजम देखाइल विकृति ओ विसङ्गतिविरुद्ध जनचेतना अभिवृद्धि कर्ना उद्देश्य रहल आर्थिक संयोजक शुभेष पाठक बतैल । कार्यक्रमम लागूऔषध दुव्र्यसन, भ्रष्टाचार, साइबर अपराध, घरेलु ओ महिला हिंसा, बालअधिकार, युवा पलायन ओ सामाजिक विभेदलगायत विषयहे हास्यव्यङ्ग्यके माध्यमसे प्रस्तुत कर्ना उहा जानकारी देल ।
गाईजात्राके मुख्य प्रायोजकम धनगढीस्थित माया मेट्रो हस्पिटल ओ प्रायोजकम चैतन्य पाठशाला रहल सो अवसरम जानकारी देल बाट । कार्यक्रमम टिकटकमसे सङ्कलन हुइना रकमके २५ प्रतिशत भोटेकोशी बाढीपीडितहूकन सहयोग स्वरुप प्रधानमन्त्री दैवीप्रकोप राहत कोषम जम्मा कर्ना जनाइल बाट ।
