कैलालीके खुटिया नदीम लहैना क्रममे डुब्के बेपत्ता हूइल बझाङके एक किशोर मृत अवस्थामे फेला परल बाटै ।
बझाङ घर होके धनगढी उपमहानगरपालिका–१ मे बैआएका १७ वर्षीय दोर्ण सुवेदी शुक्रबार खुटिया नदीयामे लहैना क्रममे डुब्के बेपत्ता हूइल रहे । उहा धनगढीस्थित सरस्वती माध्यमिक विद्यालय मनेहरामे सिभिल इन्जिनियरिङ चौथो सेमेस्टरमे अध्ययनरत रहित ।
जिल्ला प्रहरी कार्यालय कैलालीके प्रवक्ता प्रहरी नायब उपरीक्षक योगेन्द्र तिमिल्सिनाके अनुसार सुवेदी धनगढीसे अन्य तीन जाने सघरेन सँगे खुटिया नदीयामे गील रहित । लहैना क्रममे नदीयामे डुब्के उहाके सघरेनहूक्र तत्काल खोजी कर्ले से फेन फेला पारे नैसेक्गील प्रहरीहूकन खबर कर्ले रहित । 
घटनापाछे नेपाल प्रहरी ओ सशस्त्र प्रहरीके टोलीहूक्र खोजी कैके सुवेदीहे नदीमे मृत अवस्थामे फेला परल प्रहरीहूक्र जनाइल बाटै ।  घटनाबारे थप अनुसन्धान हूइती रहल प्रहरीहूक्र जनैल बाटै ।