कैलालीके गेटास्थित शहीद दशरथ चन्द स्वास्थ्य विज्ञान विश्वविद्यालयम चिकित्सा शिक्षा कार्यक्रम सञ्चालनके लाग चिकित्सा शिक्षा आयोगके टोलीहूक्रे स्थलगत अनुगमन सुरु कर्ले बाट ।
विश्वविद्यालयम चिकित्सा शिक्षा कार्यक्रम सञ्चालनके अनुमति ओ विद्यार्थीके लाग सिट संख्या निर्धारण कर्ना प्रक्रियाअन्तर्गत आयोगके टोलीहूक्र अनुगमन करे लागल बाट । टोलीहूक्र विश्वविद्यालयमे आवश्यक भौतिक पूर्वाधार, जनशक्ति, शिक्षण संस्था, प्रयोगशाला ओ शिक्षण अस्पतालके अवस्थाबारे अध्ययन करेलाग बाट ।

अनुगमनके क्रमम विश्वविद्यालय परिसर, शिक्षण भवन, प्रयोगशाला, अस्पताल ओ विद्यार्थीके अध्ययन ओ प्रयोगात्मक अभ्याससँग सम्बन्धित पूर्वाधारके निरीक्षण कर्ना बाटिन् । आयोगहूक्र निर्धारण करल मापदण्डअनुसार विश्वविद्यालयमे आवश्यक पूर्वाधार ओ जनशक्ति व्यवस्थापन कर्लेसे ओ नैकर्लेसे– समेत मूल्यांकन कर्ना बाट ।
विश्वविद्यालय ओ सुदूरपश्चिम प्रदेश सरकारबीच हूइल सम्झौताअनुसार प्रदेश सरकार मातहतके अस्पतालहे फेन विद्यार्थीके प्रयोगात्मक ओ क्लिनिकल अभ्यासके लाग प्रयोग कर्ना तयारी कर्ले बाट । ओकर अनूसार सम्बन्धित अस्पतालके भौतिक अवस्था, उपलब्ध स्वास्थ्य सेवा, जनशक्ति ओ विद्यार्थीहूकन अभ्यास कराइ सेक्नाके क्षमताबारे समेत आयोगके टोलीहूक्र अध्ययन करही ।
गेटाम चिकित्सा शिक्षा सञ्चालनके लाग विश्वविद्यालयसे पहिलो चरणम एमबीबीएस, बीएस्सी नर्सिङ, मेडिकल ल्याब टेक्नोलोजी ओ अप्टोमेट्रीलगायतके शैक्षिक कार्यक्रम सञ्चालन कर्ना तयारी कर्ल बाट । यी कार्यक्रम सञ्चालनम आके सुदूरपश्चिमके विद्यार्थीहूकन चिकित्सा ओ स्वास्थ्य शिक्षा अध्ययनके लाग प्रदेशबाहेर जाइपर्ना अवस्था कूछ हदसम्म कम हुइना अपेक्षा कर्ले बाटै ।
एमबीबीएस कार्यक्रम सञ्चालनके लाग गेटाम रहल अस्पतालहे शिक्षण अस्पतालके रूपम विकास कर्ना तयारीसमेत आघ बढाइल बाट । अस्पतालके क्षमता विस्तारसँगे आवश्यक उपकरण, जनशक्ति ओ अन्य पूर्वाधार व्यवस्थापनहे प्राथमिकताम धरल विश्वविद्यालयसे जनाइल बाट । आपन शिक्षण अस्पतालसँगे प्रदेशके अन्य अस्पतालहे समेत विद्यार्थीके क्लिनिकल अभ्यासम जोड्ना योजना विश्वविद्यालयके बा ।
यहे क्रमम विश्वविद्यालयसे सुदूरपश्चिमके चार अस्पतालसँग सम्झौता कर्सेकल बाट । सेती प्रादेशिक अस्पताल, महाकाली प्रादेशिक अस्पताल, टीकापुर प्रादेशिक अस्पताल ओ लम्कीचुहा अस्पतालहे विश्वविद्यालयके चिकित्सा शिक्षा कार्यक्रमसँग जोड्ना कैके सम्झौता कर्ल बाट ।
सम्झौताअनुसार यी अस्पतालहे विद्यार्थीके क्लिनिकल अभ्यास, तालिम ओ स्वास्थ्यसम्बन्धी अनुसन्धानके लाग प्रयोग कर्ना तयारी कर्ल बाट । आयोगके टोलीहूक्र सम्झौता हूइल चारथो अस्पताल समेत अनुगमन कर्ना जनाइल बाट । 
गेटाम चिकित्सा शिक्षा कार्यक्रम सञ्चालनके लाग आवश्यक मापदण्ड पूरा हूइलसे ओ नैहूइलेसे फेन मूल्यांकन कर्ना आयोगके स्थलगत अनुगमनहे महत्वपूर्ण चरणके रूपम लेहेल बाट । अनुगमनपाछे पूर्वाधार, जनशक्ति, अस्पताल, प्रयोगशाला, उपकरण ओ शैक्षिक वातावरणके अवस्थाके आधारम आयोगहूक्र कार्यक्रम सञ्चालनके अनुमति ओ विद्यार्थी सिट संख्या निर्धारण करही ।
लम्मा समयसे गेटाम स्वास्थ्य विज्ञान विश्वविद्यालय सञ्चालन ओ चिकित्सा शिक्षा सुरु हुइना प्रतीक्षाम रहल बेला आयोगके अनुगमनसँगे प्रक्रिया आघ बढल बा । अनुगमनसे प्राप्त सुझाव ओ आयोगहूक्र तोकल मापदण्ड पूरा कर्ती विश्वविद्यालयसे चिकित्सा शिक्षा कार्यक्रम सञ्चालनके तयारीहे थप आघ बढैना जनाइल बाट ।