विवाह कर्ना वाचा कर्ती कूछ वर्षसे प्रेम सम्बन्धमे रहल युवती बलात्कारके आरोपमे जाहेरी देके कैलालीमे एक सवारी चालक पक्राउ परल बाटै ।
पक्राउ पर्नामे टीकापुर नगरपालिका–२, बागमारा बैठ्ना २९ वर्षीय आशाराम चौधरी रहल प्रहरीहूक्रे जनाइल बाटै ।
प्रहरीके अनुसार चौधरी २६ वर्षीया युवतीसँगे कूछ वर्षसे प्रेम सम्बन्धमे रहित । उहाहूकनकेबीच विवाह कर्ना सहमति सहित शारीरिक सम्बन्धसमेत रहल युवतीके दाबी बा । तर, चौधरीे युवतीहे जानकारी नैदेके कूछ समयआघे औरे युवतीसँगे विवाह कर्ले रहित ।
विवाहपाछे फेन चौधरी ओ  युवतीबीचके सम्पर्क ओ सम्बन्ध जारी रहल बतैले बाटै ।  यहे क्रममे चौधरीहे गत २८ साउनमे अप्नेही अत्तरियास्थित मोहित मनिष निगाली बोगटान होटल एण्ड से कोठामे लैजाके जबरजस्तीकरणी कर्नै कैके युवती प्रहरीमे किटानी जाहेरी देहेल रहिन । 
युवती भदौ १६ गते इलाका प्रहरी कार्यालय मालाखेतीमे जाहेरी देहेल रहिन् । 
जाहेरीमे उहा चौधरी विगतसे ही आप्नेही विवाह कर्ना प्रलोभनमे पर्के प्रेम सम्बन्धमे धरल, प्रेम सम्बन्धकै क्रममे आप्नेही जानकारी नैदेके युवतीसँगे विवाह करल ओ विवाहपाछे फेन आपनसँगे सम्बन्ध कायम करल दाबी कर्ले बातीन् ।
जाहेरीके आधारमे इलाका प्रहरी कार्यालय मालाखेतीमे चौधरीहे आइतबार दिनके चिसापानीसे पक्राउ कर्ले बाटै । प्रहरीके अनुसार नेपालगञ्जसे गाडी चलाके धनगढीतर्फ एैती रहल उहाहे चिसापानीसे नियन्त्रणमे लेहेल रहीत । 
इलाका प्रहरी कार्यालय मालाखेतीके प्रमुख प्रहरी नायब उपरीक्षक (डीएसपी) हिरा सिंह महरा युवतीके किटानी जाहेरीके आधारमे चौधरीहे पक्राउ करल जानकारी देलै ।
उहाके अनुसार चौधरीहे नियन्त्रणमे लेके घटनाबारे थप अनुसन्धान हूइती बा ।