कञ्चनपुरके महेन्द्रनगर बजारस्थित एक रेस्टुरेन्टम आगलागी होके ३५ लाख बराबरके क्षति हुइल बा । बुधवार दिनके ३ः३५ बजेक समयम महेन्द्रनगर बजारके गल्ली नम्बर ४ स्थित एमडी रेस्टुरेन्टम अचानक आगलागी होके ३५ लाख बराबरके धनमाल जरके नष्ट हुइल बा ।
विद्युत्के तार सर्ट होक लागल आगी झन्डै एक घण्टापाछे नेपाल प्रहरी, नेपाली सेना ओ दमकलके सहायतासे नियन्त्रणम लेहेल जिल्ला प्रहरी कार्यालयके प्रवक्ता प्रहरी नायव उपरीक्षक टेकबहादुर रावत जानकारी देहेल बाट । स्थानीय व्यवसायी मोहन विष्टके सञ्चालन करल उक्त रेस्टुरेन्टम आगलागीके कारणसे सम्पूर्ण धनमाल, सामग्री जर्के नष्ट हुइल प्रनाउ रावत जानकारी देहेल बाट ।
आगी पुर्णरुपम नियन्त्रणम लेहेल जानकारी देती प्रनाउ रावत आगलागी हूइल कारणबारे थप अध्ययन हूइती रहल बतैल बाट ।
