कञ्चनपुरके पुनर्वास नगरपालिका–४ साहरा ईटा भट्टा लग्घके भारतसे नेपाल तर्फ लागूऔषध ओसार पसार हुइल बा  कना गोप्य सूचनाके आधारमे अवैध लागूऔषध खैरो हिरोइन ८ ग्राम १५० मिलिग्रामसहित कैलालीके गोदावरी नगरपालिका–६ लालपुर बैठ्ना २८ वर्षीय राजेश कोली, २२ वर्षीय सुरेश कोली ओ भारत लखिपुर खिरी बसई बैठ्ना ३० वर्षीय राम पुकार पक्राउ परल बाटै । 
इलाका प्रहरी कार्यालय त्रिभुवनबस्ती कञ्चनपुर ओ लागूऔषध नियन्त्रण व्युरो शाखा कार्यालय धनगढीसे संयुक्त रुपमे खटल प्रहरी टोलीहुक्रे बुधबार दिनके यू.पी. ३१ सी.पी.६९७८ नम्बरके भारतिय मोटरसाइकल ओ सुदूरपश्चिम प्रदेश ०१–०१३ प ६७६३ मोटरसाइकलमे सवार तिन जहुन भारतसे नेपाल तर्फ अ‍ैती रहल अवस्थामे चेकजाँच कर्ना उक्त पदार्थ फेला पार्के पक्राउ करल जनाइल बाटै । 
अस्तके बेलौरी नगरपालिका–६ बसपार्कसे अवैध लागूऔषध खैरो हिरोइन ९०० मिलिग्रामसहित शुक्लाफाँटा नगरपालिका–१० बैठ्ना १८ वर्षीय किशोरहे इलाका प्रहरी कार्यालय बेलौरी, कञ्चनपुरसे खटल प्रहरी टोलीहुक्र बुधबार साँझके पक्राउ कर्ले बाटै ।  यहे सम्बन्धमे प्रहरीहुक्र आवश्यक अनुसन्धान कर्ती बाटै ।