सुदूरपश्चिम प्रदेशके मुख्यमन्त्री खगराज भट्ट वास्तविक मुक्त हलियाके समस्या स्थायी, दिगो ओ न्यायोचित रूपमे समाधान कर्ना प्रदेश सरकार प्रतिबद्ध रहल बतैल बाटै ।
कैलालीके धनगढीम आज आयोजित १८औँ मुक्त हलिया दिवसके अवसरमे ‘मुक्त हलियाके दिगो ओ न्यायोचित पुनस्र्थापनाके सन्दर्भमे सरोकारवालाबिच प्रदेशस्तरीय संवाद’ कार्यक्रममे मुख्यमन्त्री भट्ट मुक्त हलियाके पुनस्र्थापनाहे राहत वितरणमे कील सीमित नैरहके दीर्घकालीन समाधानतर्फ आघे बढैपर्ना बताइले बाटै । 
वास्तविक पीडित मुक्त हलियाके समस्या ओ मागप्रति प्रदेश सरकार गम्भीर ओ जवाफदेही रहल उल्लेख कर्ती उहाहूक्रे पीडाप्रति आपन पूर्ण ऐक्यबद्धता रहल बताइल बाटै  । मुख्यमन्त्री भट्ट लम्मा समयसे हलिया समस्या समाधानसे हुइ नैसेकल के  कारणबारे गम्भीर समीक्षा कैके आगामी दिनमे ठोस योजना ओ परिणाम मुखी कार्यक्रमके सँथमे आघे बढेपर्नामे  जोड देले बाटै ।
समस्या समाधान हुइ नैसेक्नामे  राज्य पक्ष व सम्बन्धित सङ्घसंस्थामध्ये केकर कमजोरी रहल बा कैके  विषयमे समेत समीक्षा आवश्यक रहल उहाँके भनाइ रहिन् । 
मुक्त हलियाको आर्थिक तथा सामाजिक अवस्था सुधार हुने गरी पुनस्र्थापनाका कार्यक्रमलाई प्रभावकारी बनाउन सरकार, स्थानीय तह, सम्बन्धित सङ्घसंस्था र समुदायबिच सहकार्य आवश्यक रहेको मुख्यमन्त्री भट्टले उल्लेख गर्नुभयो । कार्यक्रममे प्रदेश उद्योग, पर्यटन, वन ओ वातावरणमन्त्री प्रकाश रावल, भूमि व्यवस्था, कृषि ओ सहकारीमन्त्री दमनबहादुर भण्डारी, आर्थिक मामिला राज्यमन्त्री जानकी ऐर बम, भौतिक पूर्वाधार विकास राज्यमन्त्री जानकी कुँवरलगायतके सहभागिता रहल रहे ।