शहीद दशरथ चन्द स्वास्थ्य विज्ञान विश्वविद्यालय, गेटासे विभिन्न स्वास्थ्य सेवाके पदम १५१ जाने कर्मचारी माग कर्ती करार सेवाके लाग दरखास्त आह्वान कर्ले बाटै ।
विश्वविद्यालयहे सार्वजनिक करल सूचनाअनुसार मेडिकल अधिकृत १०, डेन्टल सर्जन ४, बायोमेडिकल इन्जिनियर १, नर्सिङ अधिकृत १०, रेडियोग्राफी अधिकृत १, फार्मेसी अधिकृत २ ओ फिजियोथेरापी अधिकृत २ जाने माग कर्ले बाटै ।
ओस्तके ल्याब टेक्नोलोजिस्ट ३, स्टाफ नर्स ९०, ल्याब टेक्निसियन १०, रेडियोग्राफर ६, फिजियोथेरापी सहायक २ ओ फार्मेसी सहायक १० जनाके लाग फेन दरखास्त आह्वान करल विश्वविद्यालयहूक्रे जनाइल बाटै ।
अधिकृत तहके पदके लाग २१ वर्ष पूरा होके ४५ वर्ष नैनाघल ओ सहायक पाँचौँ तहके पदके लाग १८ वर्ष पूरा होके ४५ वर्ष नैनाघल हुइपर्ना बा । सम्बन्धित पदके लाग आवश्यक शैक्षिक योग्यता हासिल कैके सम्बन्धित व्यावसायिक परिषध दर्ता हूइल हुइपर्ना सूचनाम उल्लेख बा । सातौँ तहके पदके लाग सम्बन्धित क्षेत्रम कम्तीम तीन वर्षके कार्यअनुभवसमेत माग करल बाटै ।
उम्मेदवारके छनोट अन्तर्वार्तामार्फत कर्ना विश्वविद्यालयहे जनाइल बाटै । दरखास्तसँगे शैक्षिक योग्यता, नेपाली नागरिकताके प्रमाणपत्र ओ सम्बन्धित क्षेत्रके अनुभव खुल्ना कागजातके प्रमाणित प्रतिलिपि संलग्न करेपर्ना ।
दरखास्त देना अन्तिम मिति २०८३ असोज १ गते तोकल बा । सहायक पाँचौँ तहके लाग ५०० रुपैयाँ ओ अधिकृत सातौँ ओ आठौँ तहके लाग ७०० रुपैयाँ दरखास्त दस्तुर तोकल बाटै ।
विश्वविद्यालयके अनुसार दरखास्त फाराम विश्वविद्यालयके वेबसाइटसे डाउनलोड कैके आवश्यक कागजातसहित केन्द्रीय प्रशासन शाखाम बुझाइपर्ना ।
