सुदूरपश्चिम प्रदेशके मुख्यमन्त्री खगराज भट्ट भदौ मसान्तभित्रर फाष्ट ट्रयाकसे बजेट एैना बताइल बाटै । 
सत्तासाझेदार दल नेपाली कम्युनिष्ट पार्टी (नेकपा) ओ नेकपा एमालेके न्युनतम साझा कार्यक्रम आज सार्वजनिक कर्ती मुख्यमन्त्री भट्ट बजेट लन्ना नीतिगत तयारी पुरा हूइल बतैले बाटै । मन्त्रालयहूकनहे बजेट निर्माणके लाग देना मार्ग निर्देशन समेत तयार रहल मुख्यमन्त्री भट्ट बतैल । मुख्यमन्त्रीके तर्फसे मन्त्रालयहूकनहे देना नीतिगत निर्देशनके मस्यौदा फेन बनैती रहल उहा बतैल ।मुख्यमन्त्री भट्ट यि मार्गदर्शनहूकनके आधारमे बजेट बनैना धेउर दिन नैलग्ना होके भदौ मसान्तभित्रर बजेट लन्ना सम्भव रहल फेन बतैल । उहा बजेटमे रहल बेथिति सामान्य तरिकामे समाधान हुइ सेक्ना अवस्था नैरहल ओ कूछ दिन ज्यादा लगाके हूइलेसे फेन् शब्द–शब्द, वाक्य–वाक्यमे ओ बुँदा बुँदामे छलफल कर्के न्युनतम साझा कार्यक्रम तयार कर्ना बतैल । 
आघेक सरकारहूक्रे असार १ गते प्रदेशसभामे प्रस्तुत बजेट पारित हूइ नैसेक्के प्रदेश सरकार साउन १ गते देशके बजेट शून्यतामे बा । अघिल्लो पटक २०८१÷८२ मे प्रदेश सरकार बजेट शून्यता जैले से फेन बजेट पुनर्लेखन कैके भदौ ३१ गते प्रदेशसभामे प्रस्तुत करल रहे ।