रानी जमरा कुलरिया सिँचाइ आयोजना, कृषि कार्यक्रम कार्यान्वयन एकाइ टीकापुरसे चालु आर्थिक वर्ष २०८३÷८४ म सञ्चालन हुइना कृषि कार्यक्रमके लाग १९३ किसान छनोट कर्ले बाटै ।
एकाइसे केरा खेती सहयोग (उत्पादन ओ बजारीकरण) कार्यक्रम अन्तर्गत ७१ किसान छनोट कर्ले बा । ६० हेक्टर क्षेत्रफलहे लक्षित करल कार्यक्रम के लाग ८६.६ हेक्टरके माग एैले से फेन ८४.३ हेक्टरम केराखेती कर्ना किसान छनोट करल आयोजनाहूक्रे जनाइल बाटै । 
ओस्तक, मुक्तकमैया ओ दलित कृषकके लाग तरकारी, च्याउ ओ अन्य उत्पादनमूलक कार्यक्रम अन्तर्गत १२२ किसान छनोट हूइल बाटै । उक्त कार्यक्रमके लाग १२३ थो आवेदन परल रहे ।
तरकारीतर्फ च्याउ ओ तरकारी खेतीसँगे उन्नत कुखुरा, बङ्गुर, बाख्रा ओ भैँसीपालन लगायतके कृषि गतिविधि सञ्चालन कर्ना एकाइहूक्रे जनाइल बाटै । छनोट होके किसानहूकन सम्झौता कर्ना आयोजकहूक्र आवान कर्ले बाटै ।