कैलालीके गौरीगंगा नगरपालिका–६ मोयास्थित भैरव महिला सामुदायिक वनम बाघके आक्रमणसे एक पुरुषके मृत्यु हूइल बा ।
बिहीबार बिहानके भेम्ती टूरे बन्वम गील गौरीगंगा नगरपालिका–६ चरीडाँडा बैठ्ना करिब ३८÷४० वर्षीय कृष्ण चौधरीहे बघ्वा आक्रमण करल प्रहरीहूक्र जनाइल बाटै । प्रहरीके अनुसार बिहानके करिब ५ बजे च्याउ टूर्ना क्रममे चौधरीउपर बघ्वा आक्रमण कर्ले रहित । घटनाबारे बिहानके ८ः०५ बजे इलाका प्रहरी कार्यालय चौमालासे जानकारी प्राप्त हूइल रहे । 
जानकारी पैतिकिल प्रहरी वरिष्ठ नायव निरीक्षक रमेशबहादुर शाहीके कमान्डम चार जनाके प्रहरी टोली घटनास्थलतर्फ खटल रल  । प्रहरी टोली बिहान ८ः४५ बजे घटनास्थलम पुगल जनैल बाटै । घटनास्थल इलाका प्रहरी कार्यालय चौमालासे करिब १३ किलोमिटर पश्चिम–दक्षिणतर्फ पर्ना प्रहरीहूक्र जनाइल बाट । घटनापाछे स्थानीयवासीमे त्रास फैलल बा । वन क्षेत्रमे बघ्वाके गतिविधि देखाइ लागल बाटै कैके स्थानीयहूकन सावधानी अपनाइलाग आग्रह कर्ले बाटै ।