स्वास्थ्य ओ खाद्य स्वच्छता मन्त्रालयसे आमा ओ नवजात शिशुके अधिकार सुनिश्चित कर्ती  स्तनपानके संरक्षण, प्रवद्र्धन ओ सहयोग कर्ना ‘मातृशिशुमैत्री स्वास्थ्य संस्था कार्यक्रम सञ्चालन निर्देशिका, २०८३’ जारी कर्ले बा । 
यकरआघे ‘स्वास्थ्य संस्थामे मातृशिशुमैत्री सेवा अभियान निर्देशिका, २०७३’के कार्यक्रमहे थप व्यवस्थित ओ प्रभावकारी बनैना नयाँ निर्देशिका जारी कैके मन्त्रालयसे आज प्रेस नोटमार्फत जानकारी देहेल बाटै । 
नयाँ निर्देशिकासे सुत्केरी ओ नवजात शिशुके लाग स्वास्थ्य संस्थासे अनिवार्य रूपमे पालना  १०÷१०  मापदण्ड निर्धारण कर्ले बा । अस्पताल ओ स्वास्थ्य संस्थामे मातृशिशुमैत्री सेवा सुनिश्चित कर्ती आमा ओ नवजात शिशुके स्वास्थ्य, अधिकार ओ आवश्यकताअनुसार सेवा प्रवाह कर्ना निर्देशिकाके मुख्य उद्देश्य बा । 
निर्देशिका अनुसार प्रश्रवके क्रममे आमा रोजल परिवारके सदस्यहे साथमे रहना व्यवस्था करे पर्ना बा । तबे प्रश्रवके बेला आमाके मनोबल बढैना ओ बच्चाके सुरक्षामे सहयोग पुग्ना अपेक्षा कर्ले बाटै । 
ओस्तके, बच्चा जन्मपाछे नवजात शिशुहे आमासे अलग नैधर्के आमाकै बेडमे धर्ना ओ सेक्ना सम्म हलि स्तनपान करैना व्यवस्थाहे प्राथमिकता देहेल बाटै । 
निर्देशिकासे आमाके दूधहे प्रतिस्थापन कर्ना वस्तु (बिक्रीवितरण नियन्त्रण) ऐन २०४९ के प्रभावकारी कार्यान्वयनमे सहयोग कर्ती आमाके दूधके विकल्पके रूपमे प्रयोग हुइना वस्तुके बिक्रीवितरण ओ प्रवरद्धनहे नियमन कैके स्तनपानके संरक्षण, प्रवद्र्धन ओ सहयोग कर्ना  ।
सुत्केरी ओ नवजात शिशु स्वास्थ्य संस्थासे ‘डिस्चार्ज’ होके घर फिर्ता हुइल फेन  उहाहुकनके स्वास्थ्य अवस्थाबारे जानकारी लेना, आवश्यक परामर्श ओ सहयोग उपलब्ध कर्ना ओ सम्भावित समस्याके पहिचान कर्ना स्वास्थ्य संस्थामे सम्पर्क व्यक्ति ‘फोकल पर्सन’ तोकेपर्ना व्यवस्था कर्ले बाटै । 
निर्देशिकासे स्तनपानके लाग अनुकूल वातावरण निर्माण कर्ना ओ आमाहे आवश्यक सहयोग उपलब्ध कर्ना । ओस्तके आमा ओ नवजात शिशुक स्वास्थ्य ओ सुरक्षाहे प्राथमिकतामे धर्के सेवा प्रवाह करेपर्ना जोड देल  । 
नयाँ निर्देशिकामार्फत प्रश्रवसे सुत्केरीपाछक अवस्थासम्म मातृ ओ नवजात शिशुमैत्री सेवाके निरन्तरता सुनिश्चित कर्ती  स्तनपानके संरक्षण, प्रवद्र्धन ओ सहयोगहे थप व्यवस्थित बनैना लक्ष्य लेहेल बाटै ।