नेपाल ट्रक यातायात व्यवसायी महासङ्घहूक्रे भोटेकोशी बाढीम ६७७ जाने मजदुर सम्पर्कविहीन हूइल जानकारी देहेलक बाटै ।     
महासङ्घहूक्रे यातायात व्यवस्था विभागके महानिर्देशक राजीव पोखरेलके संयोजकत्वम बिहीबार हूइल बैठकम उक्त जानकारी देती ५१५ थो ट्रक ओ कन्टेनर हेराइल कैके बताइल बाटै । पूर्वाधार विकास मन्त्रालयहूक्रे यातायात व्यवस्था विभागके महानिर्देशक पोखरेलके संयोजकत्वम बाढीसे हूइल मानवीय ओ भौतिक क्षतिके मूल्याङ्कन, क्षतिपूर्तिके आधारके विषयम रायसहितके प्रतिवेदन तयार कर्ना समिति गठन कर्ले बाटै ।
समितिहे १५ दिनभित्रर रायसुझावसहितके प्रतिवेदन पेस कर्ना जिम्मेवारी देहेल बाटै । महासङ्घहूक्र बाढीसे हूइल मानवीय ओ भौतिक क्षतिके प्रारम्भिक विवरण प्रस्तुत कर्ती सम्पर्कविहीन मजदुर ओ हेराइल ट्रक ओ कन्टेनरके सङ्ख्या अभिन बढेसेक्ना जनाइल बाटै ।     
समितिमे पूर्वाधार विकास मन्त्रालयके प्रतिनिधि, पूर्वाधार विकास मन्त्रीके सचिवालयके प्रतिनिधि यातायात व्यवसायीके प्रतिनिधि, यातायात मजदुर सङ्घ सङ्गठनके प्रतिनिधिसहित नेपाल ट्रक यातायात व्यवसायी महासङ्घके अध्यक्ष राजेन्द्रविक्रम बानियाँ ओ महासङ्घके महासचिव बद्रीप्रसाद चौलागाईंलगायत सदस्य बाटै ।