कैलालीके बर्दगोरिया गाउँपालिकाहूक्र शुद्ध खानेपानी सेवा निःशुल्क कर्ना हूइल बाट । गाउँपालिकाहूक्रे वडा नम्बर ३ म निर्माण पूरा कर्ना रानीकुण्डा खानेपानी आयोजना उद्घाटन कर्ती गाउँपालिकाके अध्यक्ष कर्णबहादुर कुँवर आयोजनासे सेवा लेना उपभोक्ताहूकन् एक वर्षसम्म खानेपानी निःशुल्क उपलब्ध कर्ना घोषणा कर्ले बाटै ।
अध्यक्ष कुँवर एक वर्षपछे फेन उपभोक्ताहूकन् निश्चित युनिटसम्म खानेपानी महसुलम छुट देना विषयम सङ्घीय ओ प्रदेश सरकार ओ विश्व बैङ्कसँगे समन्वय ओ छलफल हूइती रहल बताइल बाटै । उहा कलै , “हम्र यहे आयोजना अन्तर्गतके जनताहूकन एक वर्षसम्म निःशुल्क खानेपानी देबी ।
ओकर पाछे जनताहूकन कत्रा छुट देहे सेक्जैत कना विषयम सङ्घीय, प्रदेश ओ स्थानीय सरकार ओ विश्व बैङ्कसँग समन्वय ओ छलफल कर्ती बाती ।” और जसिन् खानेपानीके धारा जडान कर्ना भारी रकम तिरपर्ना ओ मासिक रूपम महँगो महसुल बुझाइपर्ना बाध्यता आपन पालिकाम नैरहल उहाँ बताइल बाट ।
स्थानीय तह निर्वाचन, २०७९ म अध्यक्ष कुँवर करल प्रतिबद्धता क्रमशः कार्यान्वयन हुँइती गील कैके स्थानीयवासीम उत्साह बढल बा । गाउँपालिकाहूक्रे निःशुल्क शिक्षा, घरआँगनमै स्तरीय स्वास्थ्यसेवा, कलेज सञ्चालन, शव चिस्यान सेवा, काजकिरिया खर्च व्यवस्थापन ओ पोस्टमार्टम सेवा सञ्चालन कर्ती रहल बाटै । रानीकुण्डा खानेपानी आयोजनाके अध्यक्ष टङ्क ओली निर्वाचनके बेला करल प्रतिबद्धता व्यवहारम कार्यान्वयन हूइल देख्के आप्नेही उत्साहित हूइल बताइल बाटै ।
