भारतीय सीमा सुरक्षा बल (एसएसबी)के टोलीसे विराटनगरके सीमावर्ती क्षेत्रम एकथो नेपाली युवकहे कुटपिट कर्ले बाटै । सीमावर्ती क्षेत्र दरैयाम एसएसपबीके टोलीहूक्र विराटनगर महानगरपालिका–२ के २८ वर्षीय अनुज कामतहे कुटपिट करल बाटै । घटना शनिबारके हो ।
।भारतसे नेपालतर्फ एैनाक्रमम एसएसबीके टोलीसँग कामतके विवाद हूइल रहे । ओकरपाछे कामत एसएसबीके जवानहे ढुंगा प्रहार कर्ले रहे । उहा प्रहार करल ढुंगा एसएसबीके जवानहे लागल रहे । ।दशगजाम एसएसबीहे ढुंगा फक्के नेपालतर्फ भाग्के आइल कामतहे एसएसबीे तान्के दशगजातर्फ लैजाके कुटपिट करल रहे । एसएसबी कुटपिट कर्नाक्रममे सशस्त्र प्रहरी ओ नेपाल प्रहरी फेन घटनास्थलमै रहित ।
सामाजिक सञ्जालम सार्वजनिक हूइल भिडियोम सुरुम युवक कामतहे रोकखोजल नेपालतर्फके सुरक्षा टोलीहूक्र कुटपिट करेलागल मे कूछ करल नैदेखाइत । घटनास्थलम भेला हूइल कोनो मनै भागे बेला युवकहे पक्रल देखाइत । 
एसएसबीके टोलीहूक्र कामहे नियन्त्रणम लेके लाठीसे पित्ती भारततर्फ लैगिल रहित । नियन्त्रणम लेके कूछ समय कुटपित कर्के उहाहूकन एसएसबीहूक्र नेपाल प्रहरीमे जिम्मा लगाइल रहित । 
इलाका प्रहरी कार्यालय रानीसे एक दिन नियन्त्रणम धर्के आइतबार आफन्तके जिम्मा लगाइल बाटै ।  प्रहरीके अनुसार युवक कामत लागुऔषध प्रयोगकर्ता हूइत । एसएसबीसँग विवाद हुँइले से फेन  उहा सामान्य अवस्थाम नैरहित ।
आइतबार श्रीमतीके रोहबरम कामतहे घर पठाइल जिल्ला प्रहरी कार्यालय मोरङके प्रवक्ता डीएसपी मकेन्द्रकुमार मिश्र जानकारी देल ।