कैलाली ओ कञ्चनपुरसे ४ लाख बढीके अवैध सामान बरामद कर्ले बाटै । 
कैलालीमे भारतसे भन्सार छली अवैध रूपमे लानल करिब ४ लाख १५ हजार रुपैयाँ बराबरके विभिन्न सामान प्रहरीहूक्रे बरामद कर्ले बाटै । जिल्लाके विभिन्न स्थानसे शनिबार जिल्ला प्रहरी कार्यालय कैलाली ओ मातहतके प्रहरी टोलीहूक्रे बेवारिसे अवस्थामे रहल सामान फेला पार्के नियन्त्रणमे लेहेल बाटै ।  प्रहरीके अनुसार बरामद सामानमे चिनी, मिठाई, टाई, बेल्ट, कस्मेटिकलगायतके सामग्री रहल बा । बरामद सामानके अन्दाजी मूल्य ४ लाख १४ हजार ८ सय ८२ रुपैयाँ रहल प्रहरीहूक्रे जनाइल बाटै ।
यस्तेके कञ्चनपुरके कृष्णपुर नगरपालिका–५ नहररोडसे अवैध रुपमे भारतसे भन्सार छली कैके लानल अन्दाजी मूल्य ३२ हजार ७०० सय बराबरके सुर्ति शनिबार रातके इलाका प्रहरी कार्यालय गुलरिया, कञ्चनपुरसे  खटल प्रहरी टोलीहूक्रे बेवारिसे अवस्थामे फेला पार्के आवश्यक प्रक्रिया पुरा कैके नियन्त्रणमे लेहेल बाटै ।