धनगढीः कैलालीके गेटाम रहल शहीद दशरथचन्द स्वास्थ्य विज्ञान विश्वविद्यालय विभिन्न स्वास्थ्य सेवाके पदम १५१ कर्मचारी माग कर्के एक हजार ६६९ जनाके आवेदन परल बा । करार सेवामे कर्मचारी पदपूर्तिके लाग माग करलमे आवेदन परलामध्ये ५४४ जनाके नाम संक्षिप्त सूचीम समावेश कर्ले बाटै । 
विश्वविद्यालयके करार सेवामे चिकित्सक ओ स्वास्थ्यकर्मी छनोटसम्बन्धी निर्देशिकाअनुसार योग्यता पूरा करल उम्मेदवारके वर्णानुक्रमअनुसार संक्षिप्त सूची सार्वजनिक करल विश्वविद्यालयहूक्र जनाइल बाटै । परीक्षा समितिके अनुसार मेडिकल अधिकृतके १० पदके लाग ६० जनाके आवेदन परलमे २९ जाने संक्षिप्त सूचीमे परल बाटै । बायोमेडिकल इन्जिनियरके एक पदके लाग नौ जना आवेदन देहेल ओ छ जाने छनोट हूइल बाटै ।
ओस्तके, नर्सिङ अधिकृतके १० पदके लाग ११२ जनाके आवेदन पर्के ६९ जाने सर्टलिस्ट हूइल बाटै । रेडियोग्राफी अधिकृतके एक पदके लाग १० जनाके आवेदन पर्के पाँच जाने ओ फार्मेसी अधिकृतके दुई पदके लाग ४८ जनाके आवेदन पर्के सात जाने संक्षिप्त सूचीमे परल बाटै ।
फिजियोथेरापी अधिकृतके दुई पदके लाग छ जाने आवेदन देहेल ओ पाँच जाने, ल्याब टेक्नोलोजिस्टके तीन पदके लाग ५९ जाने आवेदन देके २५ जाने सर्टलिस्ट हूइल बाटै । सबसे ज्यादा आवेदन स्टाफ नर्सके ९० पदके लाग परल बा । उक्त पदम ५४२ जाने आवेदन देहेल बाटै कलेसे १८५ जानेक नाम संक्षिप्त सूचीमे समावेश कर्वाइल बाटै । 
ओस्तके, ल्याब टेक्निसियनके१० पदके लाग ३१८ जनाके आवेदन पर्के ८० जाने सर्टलिस्ट हूइल बाटै । रेडियोग्राफरके छ पदके लाग ८२ जाने आवेदन देहेल ओ ३९ जाने छनोट हूइल बाटै । 
फिजियोथेरापी सहायकके दुई पदके लाग नौ जनाके आवेदन पर्के छ जाने, ओ फार्मेसी सहायकके १० पदके लग ३८४ जाने आवेदन देके ७१ जाने संक्षिप्त सूचीम परल बाटै ।
अब संक्षिप्त सूचीम परल उम्मेदवारके अन्तर्वार्तापाछे करार सेवामे कर्मचारी नियुक्त कर्हिन्। अन्तर्वार्ता असोज २० गतेसे सुरु हुइना जनैल बाटै ।