कञ्चनपुरके पुनर्वास नगरपालिका–४, कार्गिलडाँडासे भन्सार छली कैके भारतसे लानल ८० हजार रुपैयाँसे ज्यादा मूल्यके विभिन्न सामान प्रहरीहुक्र बरामद कर्ले बाटै । 
शुक्रबार इलाका प्रहरी कार्यालय त्रिभुवनबस्ती, कञ्चनपुरसे खटल प्रहरी टोलीसे उक्त स्थानमे बेवारिसे अवस्थामे रहल सामान फेला पारल बा । 
प्रहरीके अनुसार बरामद करल सामानमे मखमली माला, झिलिमिली बत्ती, पटाके, रङ्गोली, सप्तरङ्गी टिका लगायतके सामग्री रहल बा । यी सामानके अनुमानित मूल्य ८० हजार ४८० रुपैयाँ रहल बा । 
भारतसे भन्सार छली कैके लानल यी सामान आवश्यक प्रक्रिया पूरा कैके प्रहरीहुक्र नियन्त्रणमे लेहेल जनाइल बाटै ।