सुदूरपश्चिम प्रदेशके मुख्यमन्त्री खगराज भट्ट प्रदेश सरकारके स्पष्ट नीति ओ निजी क्षेत्रके लगानीमार्फत सुदूरपश्चिमहे समृद्ध प्रदेशके रूपमे विकास करेपर्ना बताइल बाटै । 
आज यहाँ आयोजित निजी क्षेत्र ओ प्रदेश सरकारबीच बजेटसम्बन्धी अन्तरक्रिया कार्यक्रममे उहा औद्योगिक क्षेत्रके विकास ओ रोजगारी सिर्जनाहे प्रदेश सरकारहूक्रे आगामी बजेटमे प्राथमिकतासाथ सम्बोधन कर्ना बताइले रहित । 
मुख्यमन्त्री भट्ट प्रदेशके ‘लाल किताब’ रकम वितरण कर्ना पुलिन्दा नैहोके प्रदेशके समृद्धिके मार्गचित्र बनेपर्ना धारणा व्यक्त कर्ले बाटै । मुख्यमन्त्री भट्ट सुशासनमे शून्य सहनशीलताके नीति अवलम्बन कर्ती प्रदेशमे रहल बेथिति ओ अनियमितता नियन्त्रण कर्ना सरकार निर्मम होके आघे बढ्ना बतैल । बेथितिके विषयमे कोनो फेन सम्झौता नैकर्ना स्पष्ट कर्ती उहा सुदूरपश्चिमके विकास ओ रूपान्तरणके लाग फेन सब पक्ष गम्भीर होके एकताबद्ध रूपमे आघे बढेपर्ना जोड देले बाटै ।
निजी क्षेत्रहूक्रे भोग्ती आइल समस्या समाधानके लाग प्रदेश सरकारहूक्रे आवश्यक पहल कर्ना प्रतिबद्धता व्यक्त कर्ती मुख्यमन्त्री भट्ट प्रदेशके आर्थिक विकास ओ समृद्धिमे निजी क्षेत्रके भूमिका महत्त्वपूर्ण रहल उल्लेख  कलै । प्रदेश निर्माणके अभियानमे सरकार ओ निजी क्षेत्रबीच सहकार्य आवश्यक रहल उहाके भनाइ बातीन् । अन्तरक्रियामे निजी क्षेत्रके व्यवसायीहूक्रे सुदूरपश्चिममे रहल सम्भावना ओ आप्नी हूक्रे भोग्ती आइल समस्या ओ चुनौतीबारे धारणा राखल रहित । उहाहूक्रे कृषि, उद्योग ओ पर्यटन क्षेत्रके विकासके लाग प्रदेश सरकारहूक्रे नीतिगत सहजीकरण कर्ती लगानीमैत्री वातावरण निर्माण करेपर्ना जोड देले रहित । सो अवसरमे उद्योग, पर्यटन, वन ओ वातावरणमन्त्री प्रकाश रावल, आर्थिक मामिलामन्त्री चक्रबहादुर मल्ल, प्रदेश नीति ओ योजना आयोगके उपाध्यक्ष गोकर्णप्रकाश भट्टलगायतके सहभागिता रहित ।