कञ्चनपुरके बेदकोट नगरपालिका–७, हजरासे प्रहरीहूक्र भन्सार छली कैक भारतसे लनल करिब ३ लाख ५ हजार ६ सय रुपैयाँ बराबरके सामानसहित एक जहून पक्राउ कर्ले बाटै । 
प्रहरीके अनुसार भारतसे भन्सार छली कैके लानल घरम लुकाके धरल अवस्थाम स्थानीय ४० वर्षीय हरिश साउँदहे बिहीबार दिनके पक्राउ कर्ले बाटै । 
साउँदके घरसे नरिवल पाउडर, मिल्क केक, विभिन्न प्रकारके मिठाई, सोनपापडी, नमकिन, प्लास्टिकके झोला, रबरके कट्टा, रसभरी मिठाई ओ पूजा सामग्रीलगायतके सामान बरामद करल प्रहरीहूक्र जनाइल बाटै ।यहेबिचमे, कञ्चनपुरके विभिन्न स्थानसे भन्सार छली कैके भारतसे लानल करिब ९० हजार रुपैयाँ बराबरके पेय पदार्थ, हार्डवेयरलगायतके सामानसमेत प्रहरीहूक्र बेवारिसे अवस्थाम बरामद कर्ले बाटै । बरामद करल सब सामान आवश्यक कानुनी कारबाहीके लाग सम्बन्धित निकायम बुझैना प्रक्रिया आघ बढैल प्रहरीहूक्र जनाइल बाटै ।