कञ्चनपुरसे भन्सार छलीके सामानसहित ३ जाने पक्राउ परल बाटै ।कञ्चनपुरके भीमदत्त नगरपालिका–१८ भगतपुर स्थित अबैंध रुपमे भारतसे भन्सार छली कैके लानल अन्दाजी मूल्य १ लाख ५७ हजार २ सय बराबरके मोटरसाइकलके चेन स्पोकेट, ब्रेक शु्, प्लाष्टिक झिल्ली लगायतके सामानसहित म १ प २०२१ नम्वरके मोटरसाइकल ओ यु.के. ०६ ए.एस. ३९४९ नम्बरके भारतिय मोटरसाइकलमे भीमदत्त नगरपालिका–२ बैठ्ना ५० वर्षीय लप्टन चौधरी, भीमदत्त नगरपालिका–११ बैठ्ना ४४ वर्षीय किशन दत्त जोशी ओ भीमदत्त नगरपालिका–१७ बैठ्ना ३० वर्षीय लब राज चटौत पक्राउ परल बाटै । 
तिन्योजहुनहे सुदूरपश्चिम प्रदेश प्रहरी कार्यालय धनगढी ओ जिल्ला प्रहरी कार्यालय कञ्चनपुरसे संयुक्त रुपमे खटल प्रहरी टोलीहुक्र सोमबार दिनके फेला पार्के पक्राउ कर्ले बाटै ।उहाहुकनहे आवश्यक कारवाहीके लाग भन्सार कार्यालय गड्डाचौकी, कञ्चनपुरमे पठाइल बाटै ।  
अस्तके, भीमदत्त नगरपालिका–११ भुजेलासे अवैध रुपमे भारतसे भन्सार छली कैके लानल अन्दाजी मूल्य १ लाख १६ हजार ३२५ बराबरके चप्पल, साडी, किराना लगायतके सामान सोमबार दिनके इलाका प्रहरी कार्यालय गड्डाचौकी, कञ्चनपुरसे खटल प्रहरी टोलिहुक्र बेवारिसे अवस्थामे फेला पार्के नियन्त्रणमे लेहेल बाटै ।