लागुऔषध मुद्दामे एक महिना कैद सजाय तोकल पाछे फरार रहल कैलालीके एक जाने पक्राउ परल बाटै ।
पक्राउ पर्नामे टीकापुर नगरपालिका–१ शक्तिनगर शिविरके २६ वर्षीय श्यामु चौधरी कना श्यामु थारु रहल बाटै ।
जिल्ला अदालत कैलालीसे लागुऔषध मुद्दामे एकथो महिना कैद सजाय तोकलपाछे उहा फरार रहित । उहाहे इलाका प्रहरी कार्यालय टीकापुरसे खटल प्रहरी टोलीहुक्र बिहीबार साँन्झ्याके पक्राउ करल रहित ।
प्रहरीहुक्र उहाहे फैसला कार्यान्वयनके लाग आवश्यक प्रक्रिया आघ बढाइल जनाइल बाटै ।
