सूचना ओ सञ्चारमन्त्री डा. विक्रम तिमिल्सिना रसुवाके भोटेकोशी बाढीसे प्रभावित नागरिकके राहत, पुनःस्थापना ओ पुनर्निर्माणके लाग सरकार विभिन्न निकायसँगे समन्वय ओ सहकार्य कर्के आघ बहर्ती रहल बाट कैके बात्वाइल बाट ।
गैरआवासीय नेपाली सङ्घ (एनआरएनए) के प्रतिनिधिमण्डलहूक्र आज मन्त्रालयम करल भेटवार्ताके क्रमम उहाँहूक्र बाढी प्रभावितके पुनःस्थापना ओ पुनर्निर्माणहे सरकारहूक्र प्राथमिकताम धरल बताइल बाट । सञ्चारमन्त्री डा. तिमिल्सिना बाढी प्रभावितके समस्याहे हेर्के उहाहूकनके वास्तविक आवश्यकता पहिचान कैके सोहीअनुसार राहत, पुनःस्थापना ओ पुनर्निर्माणके कार्यक्रमम आघ बरैती रहना बताइल बाट ।
उहाँहूक्र प्रभावित नागरिकहे पुनःस्थापित कर्ना कार्यम सब निकायसँग समन्वय ओ सहकार्य हूइती रहल फेन स्पष्ट पारल बाटै । बाढीके कारण विस्थापित परिवारहे पुरान स्थानम पुनःस्थापित करे सेक्ना अवस्था नैरहल उल्लेख कर्ती उहाँहूक्रे सुरक्षित स्थानम नयाँ बस्ती विकासके लाग स्थानीय तहसँगे छलफल हूइती रहल जानकारी देहेल बाटै । “पहिलक ठाउँम बस्तीम बैठै सेक्ना अवस्था कैके कहल बाटै । स्थानीय तहसे कहाँ बस्ती बनैना उपयुक्त हुइत कैके छलफल हूइल बा ।” सञ्चारमन्त्री डा. तिमिल्सिना कलै ।
उहाँहूक्र पुनर्निर्माण ओ पुनःस्थापनाके लाग विभिन्न निकायसे छुट्टेछूट्टे रूपम काम करल से एकीकृत ढङ्गसे आघे बढैलेसे उपलब्धि प्रभावकारी हुइना बताइल बाटै । कोनो एक निकायसे पुनर्निर्माणके नेतृत्वदायी भूमिका लेना ओ अन्य सरकारी ओ गैरसरकारी निकायसे आवश्यक सहयोग परिचालन कर्ना कैके काम कर्लेसे हलि नतिजा प्राप्त हुइना होके सरकारहूक्र सोहिअनुसार काम करे खोजल सञ्चारमन्त्री डा. तिमिल्सिना बताइल बाट ।
एनआरएनए उपाध्यक्ष रोजिना प्रधान राई, महिला उपाध्यक्ष राधिका गुरुङ (टीका), महासचिव डा. चिरञ्जीवी खड्का, प्रमुख प्रशासकीय अधिकृत राजेन्द्रकुमार रावतलगायतके प्रतिनिधिमण्डल सहभागी भेटवार्ताम सरकारहूक्र भोटेकोशी बाढी प्रभावितके लाग कर्ती रहल काम ओ ओम्ने एनआरएनएले करे सेक्ना सहयोगके विषयम छलफल हूइल रहे । सो क्रमम एनआरएनएसे पुनःस्थापना ओ पुनर्निर्माणके कामम सरकारसँगे सहकार्य कर्के आघे बढैना आप्नीहूक्रफेन तयार रहल जनाइल बाट ।
एनआरएनएले संस्थागत रुपम भोटेकोशी बाढी प्रभावितके लाग राहत वितरणके तेस्रो चरणके काम हूइती रहल जनाइल बाटै । बाढीसे विस्थापित ओ जोखिमम रहल महिला, बालबालिका ओ अन्य संवेदनशील समुदायहे लक्षित कर्के राहत ओ पुनःस्थापनाके कार्यक्रम सञ्चालन करेपर्ना फेन छलफल हूइल रह ।
विपद्का समयमा राहत सामग्री जत्तिकै सही र समयमै सूचना प्रवाह पनि महत्वपूर्ण हुने उल्लेख गर्दै एनआरएनले राहत वितरणसँग सम्बन्धित सूचना आदानप्रदान, समन्वय र साझेदारीमा सरकारसँग सहकार्य गर्न चाहेको समेत बताएको छ । त्यस्तै, एनआरएनएले विपद् प्रभावित क्षेत्रमा शिक्षा र स्वास्थ्य लगायतका क्षेत्रमा थप सहयोग गर्न चाहेको जनाएको छ।
संस्थागत रूपम काम कैके थप स्रोत, साधन ओ पुँजी नेपालमे लन्ना विषयम समेत एनआरएनए प्रतिनिधिमण्डलहूक्र सञ्चारमन्त्री डा. तिमिल्सिनासँगे छलफल करल रहित । सो भेटम एनआरएन डेभलपमेन्ट फन्डके कार्यप्रगति ओ नेपालम लगानी ओ विकासके क्षेत्रम उपयोग कर्ना सम्भावनाबारे छलफल हूइल रहे । सञ्चारमन्त्री डा. तिमिल्सिना गैरआवासीय नेपालीसे नेपालम थप लगानी भित्र्याइ सेक्ना सम्भावनाबारे चासो व्यक्त कर्ना कैके ओकर लाग सरकार आवश्यक सहजीकरण ओ सहकार्य कर्ना तयार रहल बताइल बाटै ।
भेटवार्ताम गैरआवासीय नेपालीसम्बन्धी कानुनी व्यवस्थाम संशोधन, गैरआवासीय नेपाली नागरिकताके विषय, नेपालम सूचना प्रविधिके प्रयोग ओ डिजिटल सेवाके प्रभावकारिता बढैना विषयम फेन छलफल हूइल रहे । नेपालम लगानी भित्रैना, प्रवासी नेपालीक ज्ञान, सिप ओ पुँजीहे मुलुकके विकासम उपयोग कर्ना ओ संस्थागत सहकार्य विस्तार कर्ना विषयम फेन छलफल हूइल रहे ।
