भोटेकोशी बाढीके कारण सुदूरपश्चिमम हेराइलमध्य ७१ जान सम्पर्कम आइल बाट ।  प्रदेश आपत्कालीन कार्यसञ्चालन केन्द्रके अभिलेखअनुसार हालसम्म रसुवा, नुवाकोट, धादिङ, गोरखा, चितवन ओ तनहुँम कार्यरत सुदूरपश्चिमके १४३ जान
सम्पर्कविहीन बाट कलेसे एक जहून के मृत्यु हूइल बा । 
गत भदौ १० के बाढीपाछे सुदूरपश्चिमके विभिन्न जिल्लाम घर ठेगाना हूइल तर प्रभावित क्षेत्रम कार्यरत मनैन हूकन बाढीपाछे सम्पर्कविहीन हूइल कैक केन्द्रम गुनासो आइल रहे ।  पाछे ७१ जाने सम्पर्कम आइल जानकारी प्राप्त हूइल आन्तरिक मामिला ओ कानुन मन्त्रालयके विपद् शाखा प्रमुख जनक धामी जानकारी देल ।

हालसम्म सम्पर्कम आइलमध्ये ११ महिला ओ ६० पुरुष ओ सम्पर्कविहीन हूइल भोटेकोशी बाढीपाछे सुदूरपश्चिमके ७१ जाने सम्पर्कम आइल बाटै ओ, १४३ अभिन सम्पर्कविहीन १३ महिला ओ १३० पुरुष रहल उहा जानकारी देल । जिल्लागत विवरणअनुसार कैलालीके सबसे ज्यादा धेर ६७ जना सम्पर्कविहीन बाट कलेसे ५३ जान सम्पर्कम आइल बाट । सम्पर्कविहीन ओ सम्पर्कम आइलमध्ये क्रमशः कञ्चनपुरके २६ ओ ११, डडेल्धुराके १७ ओ छ, डोटीके दुई ओ एक जान बाट । यस्तेके, बाजुराके १६ जाने, बैतडीके सात, दार्चुलाके चार, बझाङके दुई ओ अछामके दुई जाने अभीन सम्पर्कविहीन बाट । बैतडीके एक जनाके मृत्यु हूइल ओ शव बुझ्के अन्त्येष्टि कर्तीरहल आपत्कालीन कार्यसञ्चालन केन्द्रके अभिलेखम उल्लेख बा ।
बाढीपाछे सम्पर्कविहीन हूइल मनैनहुकन परिवार ओ आफन्तहुकन आपत्कालीन केन्द्रम गुनासो दर्ता कर्ल रल ।  सम्पर्कविहीनहुकनके अवस्था यकिन कर्ना उद्धार ओ खोजी कार्यहे प्रभावकारी बनैना आफन्तहूक्र केन्द्रमार्फत आग्रह कर्ती बाट ।