सुदूरपश्चिमकै प्रमुख रेफरल केन्द्रके रूपम स्थापित धनगढीस्थित सेती प्रादेशिक अस्पतालम दक्ष जनशक्ति ओ पर्याप्त पूर्वाधारके अभावके कारण सेवा प्रवाहम चुनौती देखाइल बा । प्रदेशके विभिन्न जिल्लासे उपचारके लाग एैना बिरामीके चाप बढ्ती गील रले से फेन् सोहीअनुसार जनशक्ति ओ भौतिक संरचना विस्तार हुइ नैसेक्के अस्पताल व्यवस्थापनम समस्या देखाइल बा । 
सेती प्रादेशिक अस्पतालमे दैनिक करिब १ हजार २ सयसे १ हजार ५ सयसम्म बिरामीहे सेवा लेना करल बाटै । बिरामीके बढ्दो चापके बीच अस्पतालम विशेषज्ञ ओ दक्ष जनशक्तिके अभाव रहल अस्पताल प्रशासनहूक्रे जनाइल बाटै । विशेष कैके कूछ ओपिडी सेवामे आवश्यक जनशक्ति पर्याप्त नैहोके सेवा प्रवाहम चुनौती थपल बताइल बाटै ।
अस्पतालके सूचना अधिकारी किशोरप्रसाद श्रेष्ठके अनुसार आब अस्पताल सञ्चालनके प्रमुख चुनौतीमध्ये दक्ष जनशक्तिके अभाव फेन एक ओहे बा । अस्पतालहूक्रे हाल ३२० शय्या सञ्चालन कर्ती ।आइल रसेफेन  बिरामीके  चापअनुसार पूर्वाधार पर्याप्त नैहोके व्यवस्थापनम कठिनाइ हूइती बा कैके उहा बतैल । 
चार बिघा क्षेत्रफलम रहल अस्पतालके जमिन सडक विस्तारलगायतके कारण हाल ३ बिघा १९ कठ्ठा १४ धुरम सीमित हूइल बा ।  उपलब्ध क्षेत्रफलमै विभिन्न सेवा ओ ओपिडी सञ्चालन करेपर्ना अवस्था होक अस्पताल परिसर हेरैती गील बा ।  अलग अलग भवनम ओपिडी सञ्चालन हूइना समेत अस्पतालके भौतिक व्यवस्थापनम थप चुनौती देखाइल बा । 
सूचना अधिकारी श्रेष्ठके अनुसार अस्पतालसे अधिकांश विशेषज्ञ ओ स्वास्थ्य सेवामे विस्तार करले बाटै ।  बिरामीके अत्यधिक चाप व्यवस्थापन कर्ती समयके सदुपयोग कर्ना उद्देश्यमे टिकट प्रणालीम क्यूआर टोकन प्रणालीसमेत लागू करल उहा बतैल । 

अस्पतालमे विगतके तुलनाम सरसफाइ ओ व्यवस्थापनम कूछ सुधार हूइल प्रशासनके दाबी बा । विगतम अस्पताल परिसरके विभिन्न स्थानम फोहोर करैना समस्या रले से फेन  आबे ओम्ने सुधार करल जनाइल बाटै । ज्येष्ठ नागरिक ओ फरक क्षमता हूइल सेवाग्राहीके लाग सहायता कक्षमार्फत सहयोग कर्ना व्यवस्था करल अस्पतालहूक्र जनाइल बाट । सुरक्षा निगरानी ओ सवारी पार्किङ व्यवस्थापनम समेत सुधारके प्रयास हूइती रहल बताइल बाटै । 
तर अस्पताल प्रशासनहूक्रे सुधारके प्रयास हूइती रहल दाबी कर्ले से फेन  सेवाग्राही हूक्र अभीन पूर्ण रूपम सन्तुष्ट देखाइल नैहूइत । अस्पतालके सेवा प्रणाली व्यवस्थित नैहूइल, कोनो अवस्थाम समयम चिकित्सक से सेवा नैपौना ओ लम्मा समय कुरपर्ना गुनासो सेवाग्राहीहूकन बातीन् । 
अस्पतालके फार्मेसीम आवश्यक सब औषधि उपलब्ध नैहोके  गुनासो करल  सेवाग्राहीहूक्रे कर्ती आइल बाट । अस्पतालमै औषधि नैपाके बाहेरके फार्मेसीसे औषधि खरिद करेपर्ना ओ ओकर  लाग महँगो मूल्य तिरपर्ना उहाहूकनके गुनासो बातीन् ।अस्पतालम पूर्वाधार निर्माण ओ विस्तारके योजना आघे बढ्ना फेन यी योजना प्रभावकारी रूपम कार्यान्वयन हुइ नैसेक्के अस्पतालके समग्र व्यवस्थापनमा समस्या देखिएको सूचना अधिकारी श्रेष्ठको भनाइ छ। उनका अनुसार संरचना थप्ती जैपर्ना कील पर्याप्त नैहोके ओकर अनुसार दक्ष जनशक्ति ओ सेवा व्यवस्थापन फेन् आवश्यक बा ।
सेती प्रादेशिक अस्पतालके सेवा सुधार ओ व्यवस्थापनके विषयम सुदूरपश्चिम प्रदेश सरकारके समेत चासो देखैती आइल बा । मुख्यमन्त्री खगराज भट्ट अस्पतालके सेवा अवस्था ओ व्यवस्थापनबारे तीन पटक अनुगमन करसेकल बाटै । 
सुदूरपश्चिमके नौथो जिल्लासे उपचारके लाग बिरामी एैना सेती प्रादेशिक अस्पताल प्रदेशके महत्वपूर्ण स्वास्थ्य संस्थामध्ये एक हो। तबे बढ्ती गील बिरामीके चापअनुसार दक्ष जनशक्ति, पूर्वाधार, औषधि ओ सेवा व्यवस्थापनम सुधार कर्ती गुणस्तरीय स्वास्थ्य सेवा सुनिश्चित करे पर्ना  आवश्यकता देखाइल बा । 

प्रदेशकै प्रमुख रेफरल अस्पताल भएकाले सेतीमा सुशासन, जवाफदेहिता र सेवाभाव कायम गर्दै सेवाग्राहीले सहज र गुणस्तरीय उपचार पाउने वातावरण बनोस् भन्ने चाहना प्रदेशवासीको छ।