सुदूरपश्चिम प्रदेशमे बजेट कार्यान्वयनके लाग आवश्यक प्रणाली सञ्चालनमे आइल बा । प्रदेश मन्त्रालयगत बजेट सूचना प्रणाली (पीएलएमबीआईएस) खुल्ना सँगे बजेट कार्यान्वयन सुचारु हुइल बा । 
मंगलबार पारित हुइल प्रदेशके बजेटसम्बन्धी विधेयक बुधबार प्रदेश प्रमुख नजिर मियाँसे प्रमाणीकरण करल रहे । बिहीबार ती विधेयक प्रदेशके आन्तरिक मामिला मन्त्रालयसे राजपत्रमे प्रकाशन करल बा । 
राजपत्रमे प्रकाशन होके प्रदेश लेखा नियन्त्रक कार्यालयसे प्रणाली सञ्चालनके लाग महालेखा नियन्त्रक कार्यालयहे आग्रह कर्ले रहित । महालेखासे अर्थ मन्त्रालयसँग समन्वय कैके पीएलएमबीआईएस सञ्चालनमे आइल बा । अस्तके, महालेखा नियन्त्रक कार्यालयसे एकल खाता प्रणालीसमेत सुचारु करल प्रदेश लेखा नियन्त्रक वासुदेव जोशी जानकारी देहेल बाटै ।
‘प्रणाली सुचारु होके सम्बन्धित कार्यालयसे भुक्तानी आदेश लेखा नियन्त्रक कार्यालयहे देहेल बाटै । , कर्मचारीके खातामे तलब पठैना सुरु कर्ले बाटै ,’ जोशी कलै । यकरआघे बुधबार प्रदेशके आर्थिक मामिला मन्त्रालयसे बजेट कार्यान्वयनके लाग मार्गदर्शन जारी कर्ले रहे । मन्त्रालयहे कर्मचारीके नयाँ तलबमानसमेत सार्वजनिक कर्ले बाटै ।