सुदूरपश्चिम प्रदेश सरकार चालु आर्थिक वर्ष २०८३÷०८४ के लाग ३७ अर्ब ७० करोड ३९ लाख ६६ हजार रुपैयाँके बजेट सार्वजनिक करल बा ।  आइतबार प्रदेशसभाके बैठकमे आर्थिक मामिलामन्त्री चक्रबहादुर मल्ल वार्षिक बजेट प्रस्तुत करल बाटै ।
चालु आर्थिक वर्ष सुरु हुइल झण्डै तीन महिनापाछे प्रदेश सरकार बजेट लानल रह ।  यकर आघ नेपाली कांग्रेस नेतृत्वके सरकार गत असार १ गते ३७ अर्ब ७० करोड रुपैयाँकै बजेट प्रस्तुत करल रहे ।  तर, बजेटसम्बन्धी विवादके कारण सरकार परिवर्तन होके उक्त बजेट पारित हुइ नैसेकल हो ।
औरे सरकारहुक्र प्रदेशसभामे पेस करल विनियोजन विधेयक ओ आर्थिक विधेयक फिर्ता लेना प्रस्ताव आइतबारके बैठकसे स्वीकृत होके नयाँ बजेट सार्वजनिक करल बाटै  ।