चाडपर्व लग्घे लग्घे एैना क्रमम  दैनिक उपभोग्य वस्तुके माग बढेलागल अबस्थाम फेन सरकारहूक्रे बजारके बिक्री–वितरण, मूल्य ओ आपूर्ति व्यवस्थापनम निगरानी बढाइल बाटै । 
खाद्यान्न, चिनी, ग्यासलगायत अत्यावश्यक वस्तुके सहज आपूर्ति ओ अस्वाभाविक मूल्यवृद्धि रोक्ना वाणिज्य, आपूर्ति ओ उपभोक्ता संरक्षण विभागसे बजार अनुगमनहे तीव्र बनाइल बा । 
विभागके सूचना अधिकारी अनिल किंरातीके अनुसार आबे चिनी लगायतके खाद्यन्नके बजारम अभाव नैरहल ओ चाडपर्व लक्षित कैके बजार अनुगमनके लाग थप टोली परिचालन हूइल बताइल बाटै । उहाँके अनुसार काठमाडौँ उपत्यकाम नियमित अनुगमनके लाग आब १० से ११ वटा टोली परिचालन हूइती रहल बा । यी टोलीहूक्र दैनिक करिब ४० थो पसल ओ व्यावसायिक फर्मम अनुगमन कर्ती बाटै ।
चाडपर्वके समयम खाद्यान्न लगायत दैनिक उपभोग्य वस्तुके माग बढ्ना होके कृत्रिम अभाव, अस्वाभाविक मूल्यवृद्धि ओ कालोबजारी हुइ नैदेहे लाग अनुगमन बढाइल विभागहूक्र जनाइल बाट । यकरआघे सीमित टोलीसे हुँइती आइल अनुगमनहे विस्तार कर्ती काठमाडौँ, भक्तपुर ओ ललितपुरम छुट्टेछुट्टे टोली परिचालन कर्ती रहल किंराती बतैल ।
विभागके अनुसार चालु आर्थिक वर्ष हालसम्म करिब ७५० थो पसल ओ व्यावसायिक फर्मम अनुगमन कर्ती आइल बाट । अनुगमनके क्रमम बिक्री मूल्यसे ज्यादा मूल्य लेहेल पाइल ९८ थो पसल ओ व्यवसायीहूकन कारबाही कर्ती आइल बाटै ।
कारबाहीसे हालसम्म ३५ लाख २१ हजार रुपियाँ जरिवाना सङ्कलन हूइल विभागहकू जनाइल बाटै ।  अन्य पसल ओ व्यवसायीहूकन आवश्यक सुधार कर्ना निर्देशन देहेल किराती बताइल बाटै  ।
विभाग हूक्र अनुगमनके क्रमम वस्तुके खरिद मूल्य, बिक्री मूल्य, बिल ओ मूल्यसूची हेर्ना कैके जनाइल बाटै । उपभोक्तासे ज्यादा मूल्य लेना ओ  मूल्यसम्बन्धी प्रचलित व्यवस्था उल्लङ्घन करल प्रमाण भेटैलेसे कानुनअनुसार कारबाही कर्ना विभागके भनाइ बा ।
यकआघे फेन विभागहूक्र चिनीके मूल्य ओ आपूर्तिहे लेके बजार अनुगमन कर्ती आइल रहित ।  कूछ दिनआघे चिनीके उपलब्धताबारे उपभोक्तासे गुनासो एैले से फेन विभागहूक्र बजारम चिनीके अभाव नैरहल जनाइल रहित । विभागहूक्र भारी पसल ओ गोदामम समेत अनुगमन हूइती रहल ओ तोकल मूल्यसे ज्यादा बिक्री नैकर्ना व्यवसायीहूक्र आग्रह करल किरातीे बताइल  बाटै  । 
चाडपर्व लग्घे लग्घे एैना क्रमम खाद्यान्नके माग बढ्ना सँगे कूछ वस्तुके मूल्यम वृद्धि हूइल विभागहूइल जनाइल बाटै । किरातीके अनुसार पछिल्लो समय चामलके मूल्य प्रतिबोरा करिब २०० रुपियाँसम्म बढल बा ।
दैनिक उपभोग्य वस्तुके मूल्यम पछिल्लो समय वृद्धि हूइती रहल विषयम बजारके व्यवसायी ओ उपभोक्ता पक्षसे फेन गुनासो आइल बा । चाडपर्वके माग, ढुवानी लागत ओ सडक अवरोधहे मूल्य वृद्धिके कारण कैके व्यवसायीहूक्र उल्लेख कर्ती आयल बाटै । 
यकर आघ कृष्णभिरम आइल पहिरोके कारण कूछ समयम खाद्यान्न लगायतके वस्तुके ढुवानी प्रभावित हूइल रहे । सडक अवरुद्ध हूइल म ढुवानी लागत बढल ओ ओकर प्रभाव वस्तुके मूल्यम परल व्यवसायीहूक्र बताइल बाटै । आब कृष्णभिरके सडक सञ्चालनम आके खाद्यान्न ढुवानीम समस्या नैरहल किराती बताइल बाटै  ।