भोटेकोशीके भीषण बाढीमे पर्के अपर त्रिशूली–१ जलविद्युत् परियोजनामे कार्यरत कञ्चनपुरके चार युवा दुई सातासे सम्पर्कविहीन म बाटै । सम्पर्कविहीन हुइना लालझाडी–५ के पदमसिंह साउद ओ कृष्णपुर–३ के कालु राना, रिकेश राना ओ क्रेशन राना बाटै ।परिवारहुक्रे उहाके खोजी तीव्र रुपमे कर्ना ओ  अवस्था सार्वजनिक कर्देना सरकार, स्थानीय प्रशासन ओ सरोकारवालासँगे आग्रह कर्ले बाटै । रसुवा–भोटेकोशीमे आइल भीषण बाढीमे पर्के कञ्चनपुरके एक्के गाउँके चार जाने युवा अभिन सम्म फेन सम्पर्कविहीन बाटै ।रसुवास्थित अपर त्रिशूली– १ जलविद्युत् परियोजनामे कार्यरत चार्यो जाने कञ्चनपुरके देखतभुलीके युवा हुइतै । लालझाडी गाउँपालिका वडा नम्बर ५ के पदमसिंह साउद (४३ वर्ष), कृष्णपुर नगरपालिका–३ के कालु राना (३० वर्ष), रिकेश राना  (२९ वर्ष) ओ क्रेशन राना (२३ वर्ष) वेपत्ता बाटै ।पारिवारिक स्रोतके अनुसार बाढी जैना आघे उहाहूक्रे नाइट ड्युटी सेक्के बिहानके सुतलरहित कैके बताइल बाटै । बाढीपाछे सम्पर्क हुइ नैसेकल हो । बाढी आइल दुई दिन होके फेन अभिन् उहाहूकनके अवस्था अज्ञात रहल परिवारजनहूक्रे बताइल बाटै । उहाहूक्रे कोइ फेन परिवारके सम्पर्कमे नैहूइत । एक सँगे चार युवा सम्पर्कविहीन होके सिङ्गो गाउँ  शोकम डुबल लालझण्डी ५ के वडाध्यक्ष पहल थापा बतैल । हालसम्म फेन सम्पर्कमे नैआके पीडित परिवार आब बहूत चिन्तित रहल उहाहूक्रे बतैल । परिवारहूक्रे खोजी कार्य तीव्र रुपमे कर्ना  ओ उहाहूकनके अवस्था सार्वजनिक कर्के सरकार, स्थानीय प्रशासन, ओ सरोकारवाला सब पक्षसँगे आग्रह कर्ले बाटै ।