कञ्चनपुर प्रहरीहूक्र अदालतसे कैद ओ जरिवाना सजाय तोक्के फरार रहल दुई जनाहे पक्राउ कर्ले बाटै । फैसला कार्यान्वयनके क्रमम जिल्ला प्रहरी कार्यालय कञ्चनपुर ओ मातहतके कार्यालयसे खटल प्रहरी टोलीहूक्र जिल्ला अदालत कञ्चनपुरके विभिन्न मितिके फैसलाअनुसार फरार रहल उहाहूकन पक्राउ कर्ले बाटै । पक्राउ पर्नामे पुनर्वास नगरपालिका–५ के ३५ वर्षीय कृष्णबहादुर घिमिरे रहल बाटै । बैंकिङ कसुर मुद्दाम उहाहे १ महिना कैद सजाय ओ ६४ हजार ३५० रुपैयाँ जरिवाना तोकल रलै ।
ओस्तके, भीमदत्त नगरपालिका–१०, सुकासालके २२ वर्षीय हरी भाट फेन पक्राउ परल बाटै । उहाहे अभद्र व्यवहार मुद्दाम ६ दिन कैद सजाय तोकल प्रहरीहूक्र जनाइल बाटै । 
उहाहूकन जिल्ला प्रहरी कार्यालय कञ्चनपुर ओ मातहतके प्रहरी कार्यालयसे खटल टोलीहूक्र मिति २०८३ असोज १५ गते पक्राउ कर्ले बाटै । पक्राउ परल दुनू जनाहे फैसला कार्यान्वयनके लाग सम्बन्धित निकायम बुझैना प्रक्रिया आघे बढाइल प्रहरीहूक्र जनाइल बाटै ।