धनगढीः महिलाहुक्रे घरमै सिकल सीप ओ वर्षौँसे कर्ती आइल कामहे आम्दानीके स्रोत बनैना अवसर फेर खुलल बा । वर्षा ओ हावाहुरीके कारण केछ समय रुकल धनगढीके शनिवारीय महिला उद्यम मेला असोज २४ गतेसे पुनः सञ्चालनमे आइल बा । शनिबार एक कार्यक्रमके बीच धनगढी उपमहानगरपालिकाके प्रमुख गोपाल हमाल ओ उपप्रमुख कन्दकला रानाके उपस्थितिमे वडा नम्बर १ के अध्यक्ष सन्तोष मुडभरी मेलाके उद्घाटन कर्ल ।
वर्षा ओ हावाहुरीके कारण कुछ समय बन्द हुइल मेला पुनः सञ्चालनमे आइल धनगढी उपमहानगरपालिकाके प्रमुख गोपाल हमाल बतैल । महिलाके सीपहे उद्यममे रूपान्तरण कर्ती नियमित आम्दानीके आधार तयार कर्ना लक्ष्यसहित मेला सञ्चालनमे लानल बाटै ।  करिब ७० वटा स्टल रहल मेलासे महिलाहुकन आपन उत्पादन उपभोक्तासम्म पुगैना, बजारके माग बुझ्ना ओ आपन सीपसे आम्दानी कर्ना अवसर देहेल बताइल बाटै ।
घरायसी काममे सीमित महिलाके सीपहे बजारसँग जोड्ना ओ उहाहुकन आर्थिक रूपमे आत्मनिर्भर बनैना उद्देश्यले धनगढी उपमहानगरपालिकाहुक्र २०८१ सालसे यी मेला सञ्चालन कर्ती आइल बा । प्रत्येक शनिबार साँझके धनगढी उपमहानगरपालिका–१ स्थित जेनजी मार्गमे लग्ना मेलामे महिलाहुक्र आपन उत्पादन बिक्री कर्ति आम्दानी कर्ना अवसर पाइल बाटै । 
महिलामे रहल ज्ञान, सीप ओ कलाहे उद्यमशीलतासँग जोड्ना उद्देश्यले उपमहानगरपालिकाहुक्र मेला व्यवस्थापन कर्ती आइल बा । शनिवारीय महिला उद्यम मेला महिलाहुक्र उत्पादन करल वस्तु बेच्ना थलो किल नैहोके उहाहुकन सीप, श्रम ओ सिर्जनशीलताहे बजारमे चिनैना अवसरसमेत बन्ती आइल बा ।