धनगढीमे १४ वर्षमुनिके छात्रछात्राहुकन लक्षित कैके जिल्लास्तरीय अन्तरविद्यालय फुटबल प्रतियोगिता आयोजना हुइल बा । ‘फुटबल फर स्कूल ः रोड टु वल्र्ड कप’ नारासहित आगामी मंसिर २५ पुस ८ गतेसम्म धनगढी रंगशालामे प्रतियोगिता सञ्चालन हुइना बा । कैलाली जिल्ला फुटबल संघ ओ चैतन्य पाठशालाबीच प्रतियोगिता सञ्चालनके लाग सम्झौतासमेत हुइल बा ।
विद्यालयस्तरसे फुटबल खेलक विकास ओ प्रवद्र्धन कर्ना ओ बालबालिकामे खेलप्रतिके रुचि बढैना उद्देश्यले कैलालीमे जिल्लास्तरीय अन्तरविद्यालय फुटबल प्रतियोगिता आयोजना हुइ लागल बा ।
प्रतियोगिता सञ्चालनके लाग कैलाली जिल्ला फुटबल संघ ओ चैतन्य पाठशालाबीच असोज २७ गते सम्झौतापत्रमे हस्ताक्षर हुइल बा । प्रतियोगिता आगामी मंसिर २५ से पुस ८ गतेसम्म धनगढी रंगशालामे सञ्चालन हुइना बा ।
प्रतियोगितामे छात्र ओ छात्रातर्फ १६÷१६ कैके ३२ थो टिम सहभागी हुइना बा । प्रत्येक टिममे अतिरिक्त खेलाडीसहित २० जाने खेलाडी रहना बा कलेसे प्रशिक्षक, व्यवस्थापक ओ फिजियोसहित प्रत्येक टिममे २३ जनाके टोली हुइना बा । प्रतियोगितामे खेलाडी ओ अफिसियलसहित प्रत्यक्ष रूपमे ७ सय ३६ जनाके सहभागिता रहना आयोजकहुक्र जनाइल बाटै ।
प्रतियोगिताके विजेता टिमसे एक लाख रुपैयाँ ओ उपविजेता टिमसे ५० हजार रुपैयाँ पुरस्कार प्राप्त कर्ना बाटिन् । दुनु टिमहे ट्रफी, मेडल ओ प्रमाणपत्रसमेत प्रदान कर्ना बा । चैतन्य पाठशालाके अध्यक्ष गणेशप्रसाद जोशीे विद्यार्थीहे कक्षाकोठाके सिकाइमे किल सीमित नैधर्के खेलकुद ओ सामाजिक गतिविधिमे समेत सहभागी कराइ लाग बताइल बाटै । विद्यालयहुक्र विद्यार्थीहे खेलकुदके अवसरसँग जोड्ती जीवनोपयोगी सीप विकासमे फेन जोड देटिरहल उहाँके भनाइ बा ।
कैलाली जिल्ला फुटबल संघके अध्यक्ष अनिल मल्ल प्रतियोगिताहे विद्यालयस्तरमे फुटबलके विकास कर्ना के सँग नयाँ प्रतिभावान खेलाडी पहिचान कर्ना सहयोग पुग्ना विश्वास व्यक्त कर्ले बाटै । उहाँ चैतन्य पाठशालासँग दीर्घकालीन सहकार्य कर्ती जिल्लामे फुटबलके विकास कर चाहना बताइल बाटै ।
‘फुटबल फर स्कूल ः रोड टु वल्र्ड कप’ अवधारणाअन्तर्गत आयोजना हुइ लागल प्रतियोगिताहुक्र छात्रछात्राके खेल सहभागिता बढैनाके सँग भविष्यके प्रतिभावान खेलाडी उत्पादनम सहयोग पुग्ना अपेक्षा कर्ले बाटै । विद्यालयस्तरसे खेलकुदक विकास ओ. प्रतिभा पहिचान कर्ना उद्देश्यसहित कैलाली जिल्ला फुटबल संघ ओ चैतन्य पाठशालासे सहकार्य आघ बढैले बाटैै ।
