सुदूरपश्चिम प्रदेशके धनगढीसे विद्यार्थीहूकन कृत्रिम बुद्धिमत्ता (एआई) प्रविधिके प्रयोग, सम्भावना ओ सुरक्षित ओ जिम्मेवार उपयोगबारे जानकारी देना उद्देश्यमे ‘एआई फर नेपाल २०२६’ अभियान सुरु कर्ले बाटै । 
कम्प्युटर एसोसिएसन नेपाल महासंघ (क्यान महासंघ) सुदूरपश्चिम प्रदेशके आयोजनाम बिहीबार धनगढीम आयोजित अभियानके पहिलो कार्यक्रमम विभिन्न विद्यालयम कक्षा ११ ओ १२ म अध्ययनरत ४ सयसे ज्यादा  विद्यार्थी सहभागी हूइल रहित । 
कार्यक्रमम विद्यार्थीहूकन एआईके विभिन्न उपकरणके प्रयोग, एआईके सहायताले सामग्री ओ लेखन तयार कर्ना तरिका, तथ्यांक ओ सूचना व्यवस्थापन ओ दैनिक कामहे सहज बनाइलाग एआईके उपयोग कर्ना विषयम प्रयोगात्मक अभ्यास कर्वाइल रहित । 
ओस्तके, एआईके प्रयोग कर्के व्यक्तिगत विवरणके सुरक्षा, साइबर जोखिम ओ प्रविधिके दुरुपयोगसे बच्ना उपायबारे फेन विद्यार्थीहूकन जानकारी देहेल रहित । 
कार्यक्रमके प्रमुख अतिथि सुदूरपश्चिम प्रदेशके मुख्यमन्त्री खगराज भट्ट एआई प्रविधिके विस्तारसँगे यकर सिर्जना कर्ना अवसर ओ चुनौतीहे समान रूपम बुझ्ना आवश्यक रहल बतैल । शिक्षा, स्वास्थ्य, कृषि ओ सार्वजनिक सेवा प्रवाहम एआईके प्रयोग बढै सेकना सेवा ओ कामहे थप प्रभावकारी बनाइ सेक्ना उहाके भनाइ रहिन् ।
प्रविधिके प्रयोगसँगे ओम्नेसे हुइ सेक्ना दुरुपयोग ओ जोखिमबारे विद्यार्थीहूकन सचेत कराइ पर्ना जोड देती मुख्यमन्त्री भट्ट विद्यार्थी लक्षित कार्यक्रम सञ्चालन कर्के क्यान महासंघहे धन्यवाद देल । उहा प्रविधिसम्बन्धी सीप विकासके क्षेत्रम प्रदेश सरकारसे आवश्यक सहकार्य कर्ना प्रतिबद्धतासमेत व्यक्त कर्ल ।
क्यान महासंघके केन्द्रीय कार्यवाहक अध्यक्ष ओ वान कभर प्राइभेट लिमिटेडके संस्थापक एवं प्रमुख कार्यकारी अधिकृत चिरञ्जीवी अधिकारीे विद्यालय तहसे एआईसम्बन्धी आधारभूत ज्ञान ओ सीप प्रदान कर्ना आवश्यक रहल बतैल ।
उहा विद्यार्थीहूकन एआईके प्रयोगकर्ता किल नैहोके सिर्जनकर्ता ओ समस्या समाधानकर्ता बनैना अभियानके उद्देश्य रहल बतैल ।
‘युवाहूकन एआईके प्रयोगकर्ता किल नैहोके सिर्जनकर्ता ओ समस्या समाधानकर्ता बनाइपरत,’ अधिकारीहूक्र कल, ‘विद्यालय तहसे आवश्यक सीप प्रदान करे सेक्लेसे  आगामी दिनम दक्ष सूचना प्रविधि जनशक्ति उत्पादन कर्ना सहयोग पुगत ।’
अधिकारीके अनुसार एआईसँग सम्बन्धित ठगी, साइबर अपराध ओ डिजिटल सुरक्षाके विषयम समेत विद्यार्थीहूकन सचेत कराइलाग अभियानसे प्राथमिकता देहेल बाटै । 
प्रयोगात्मक सिकाइम जोड
प्रशिक्षणके क्रमम एआई ओ डाटा प्रशिक्षक बाबुराम श्रेष्ठ विद्यार्थीहूकन विभिन्न एआई उपकरण सञ्चालन ओ प्रयोग कर्ना तरिका सिकाइल रहित  ।
विद्यार्थीहूक्र एआईके सहायताले सामग्री तयार कर्ना, लेखन सुधार कर्ना, सूचनाहे व्यवस्थित कर्ना ओ विभिन्न समस्याके सम्भावित समाधान खोज्ना अभ्यास कर्ले रहित । 
आयोजकके अनुसार शिक्षा, स्वास्थ्य, वित्त, व्यवसाय, इन्जिनियरिङ ओ सिर्जनशील क्षेत्रमे एआईके प्रयोग बढ्ती गैलक कारणसे विद्यार्थीहूकन यकर आधारभूतसँगे व्यावहारिक ज्ञान देना अभियान सञ्चालन कर्ले बाटै ।
कार्यक्रम क्यान महासंघ सुदूरपश्चिम प्रदेशके अध्यक्ष धनबहादुर बोगटीके अध्यक्षताम सम्पन्न हूइल रहे । 
क्यान महासंघहूक्र ‘एआई फर नेपाल २०२६’ अभियानहे आगामी दिनम देशके अन्य क्षेत्रमे फेन विस्तार कर्ना जनैल बाटै । विद्यालय तहसे डिजिटल सीप विकास कैके विद्यार्थीहूकन उच्च शिक्षा, रोजगारी ओ उद्यमशीलताके लाग तयार पर्ना अभियानके उद्देश्य रहल महासंघहूक्र जनाइल बाटै ।
यकर लाग शैक्षिक संस्था, सूचना प्रविधि क्षेत्रके विज्ञ ओ उद्योगबीच सहकार्य बढैना योजना रहल आयोजकके भनाइ बा ।
अभियानमे महर्षि कलेज, नयाँ बानेश्वर फेन सहभागी हूइल बाटै । फार वेस्टर्न विश्वविद्यालयके सम्बन्धनम सञ्चालित उक्त कलेजहूक्र व्यवसाय प्रशासन, कम्प्युटर विज्ञान ओ सूचना प्रविधिसम्बन्धी स्नातक तहके कार्यक्रम सञ्चालन कर्ती आइल बा । क्यान महासंघहूक्र एआईसम्बन्धी ज्ञानहे विद्यालय तहसम्म पुगैती विद्यार्थीम सिर्जनात्मक सोच, प्रविधिके सुरक्षित प्रयोग ओ समस्या समाधान कर्ना क्षमता विकास कर्ना लक्ष्य लेहेल जनैले  बाटै ।