काठमाडौंके त्रिपुरेश्वर चोकस्थित बस स्टपआगे रोकल बसम आगी लागल होके चालक  आगी लगाइल 
हुइसेक्ना आशंका करल बाटै ।
बा ५ ख ४२७४ नम्बरके बसम आगी लागे बेला चालक बसभित्रर रहित । आगी लागल मे फेन चालक नैभागल ओ घटनास्थलमै रहल आधारम चालक आप्नेही बसम आगजनी करल हुइसेक्ना प्रहरीके प्रारम्भिक निष्कर्ष बा ।
जिल्ला प्रहरी परिसर काठमाडौंके एसएसपी दिलीप घिमिरे फेन चालकमेसे आगजनी हूइल हुइसेक्ना आशंका करल बताइल बाटै । 
उहाके अनुसार घटनाके  कारण कलेसे विस्तृत अनुसन्धानपाछे किल खुली । अभिनसम्म अनुसन्धानम चालकसेही आगजनी हूइल देखाइल उहाके भनाइ बा ।
प्रहरीहूक्रे आगलागीके कारण कलेसे अभिनसम्म पत्ता लगाइ सेकल नैहूइत । , ट्राफिक प्रहरीसँगे हूइल विवादपाछे चालक बसम आगजनी करल हुइसेक्ना आशंका कर्ले बाटै ।  घटनाके वास्तविक कारण पत्ता लगाइलाग प्रहरीहूक्रे थप अनुसन्धान कर्ती रहल जनाइल बाट । 
बसके चालक काभ्रेके २५ वर्षीय दावा लामा रहल प्रहरीहूक्रे जनाइल बाटै । आगलागीम परल लामाहे उपचारके लाग कीर्तिपुर अस्पताल पठाइल बाटै ।
बसम लागल आगी सशस्त्र प्रहरीके टोलीहूक्र दमकलके सहायताम नियन्त्रणम लेसेकल बाट । 
घटनाम चालकके भूमिका  रहे, आगजनी ही करल हो कलेसे ओकर कारण का रह कना विषय अनुसन्धान हूइती रहल प्रहरीहूक्र जनाइल बाट । 
प्रहरीके प्रारम्भिक आशंका चालकतर्फ केन्द्रित होके फेन  घटनाके अन्तिम तथ्य  अनुसन्धानपाछे किल खुली ।