नेपाली कांग्रेसके १५औँ महाधिवेशनहे लक्षित कती अछाम क्षेत्र नम्बर १ से केन्द्रीय महाधिवेशन प्रतिनिधिम निर्विरोध निर्वाचित डा. डिबी सुनार पार्टीके केन्द्रीय सदस्य पदम उम्मेदवारी घोषणा कर्ले बाटै । साँफेबगरस्थित नेपाली कांग्रेसके पार्टी कार्यालयमे आयोजित कार्यक्रमम डा. सुनार आगामी १५औँ महाधिवेशनम केन्द्रीय सदस्य पदके लाग आपन उम्मेदवारी प्रस्तुत करर्ले बा ।
महाधिवेशन प्रतिनिधिम निर्विरोध निर्वाचित करेलाग सहयोग कर्ना क्षेत्र नम्बर १ के नेता, कार्यकर्ता ओ शुभेच्छुकप्रति आभार व्यक्त कर्ती डा. सुनार पार्टीभित्रर युवाके अर्थपूर्ण सहभागिता ओ नेतृत्वदायी भूमिका आवश्यक रहल बतैल ।
‘युवा सहभागिता, प्रतिनिधित्व ओ जिम्मेवारी’ हे आपन उम्मेदवारीके मूल आधारके रूपमे प्रस्तुत कर्ती उहाँ नेपाली कांग्रेसहे थप सुदृढ, समावेशी ओ गतिशील संगठनके रूपम आघे बढैना प्रतिबद्धता व्यक्त कर्ल ।
पार्टी संगठनहे स्थानीय तहसे केन्द्रसम्म थप प्रभावकारी बनैती राष्ट्रियता, लोकतन्त्र ओ समाजवादके मूल आदर्शहे व्यवहारम स्थापित कर्ना आप्नहूक्र भूमिका खेल्ना उहाँके भनाइ बा । डा. सुनार बदल्ती रहल राजनीतिक परिवेशमे युवाके क्षमता, ऊर्जा ओ नयाँ सोचहे पार्टी संगठनसँग जोडेपर्ना जोड देहेल बाटै । उहाँ कांग्रेसके संगठन विस्तार, पुस्तान्तरण ओ जिम्मेवार नेतृत्व निर्माणम अप्नह सक्रिय रहना प्रतिबद्धता समेत व्यक्त कर्ले बाटै । 
अछाम क्षेत्र नम्बर १ से निर्विरोध महाधिवेशन प्रतिनिधि चयन होके केन्द्रीय सदस्य पदम उम्मेदवारी घोषणा करल डा. सुनारके अभियानहे अबे महाधिवेशन केन्द्रित राजनीतिक गतिविधिके रूपमे हेरल बाटै ।