संयुक्त राष्ट्रसङ्घके महासचिव एन्टोनियो गुटेरेस आपन कार्यकालके अन्तिम जलवायु शिखर सम्मेलनम तापक्रम वृद्धि रोकेलाग उत्सर्जन कटौतीसँगे जलवायु न्याय ओ विकासशील मुलुकके लाग पर्याप्त वित्तीय सहयोग आवश्यक रहलम जोड देहेल बाटै । 
उहाँ जीवाश्म इन्धन उद्योग वातावरणहे ‘खुला ढल’जस्ते व्यवहार कर्ती रहल आरोप लगैती जलवायु सङ्कट समाधानके लाग तत्काल प्रभावकारी कदम चाल्ना आह्वान करेपर्ना बा । न्युयोर्कस्थित संयुक्त राष्ट्रसङ्घके मुख्यालयम बुधबार आयोजित उच्चस्तरीय कार्यक्रमम गुटेरेससँगे टर्कीके राष्ट्रपति रेसेप तैयप एर्दोगान ओ अस्ट्रेलियाके प्रधानमन्त्री एन्थोनी अल्बनिज सम्बोधन कर्ना कार्यक्रम बा ।
टर्की ओ अस्ट्रेलिया आगामी नोभेम्बरम कोप–३१ जलवायु सम्मेलन सहआयोजना कतै ।  गुटेरेस रुस युक्रेनम आक्रमण कर्नायहा पाँच प्रमुख पश्चिमी तेल कम्पनीे करिब पाँच खर्ब अमेरिकी डलर नाफा कमाइल उल्लेख कर्ती विकासशील देशहे तापक्रम वृद्धिसँग अनुकूलन कर्ना परिचालन कर्ती रहल जलवायु वित्त करिब ३४ अर्ब डलर किल रहल बताइल बाटै  । विश्वभर जलवायु परिवर्तनके असर तीव्र हूइती रहल बेला उहाँके असिन आह्वान आइल बा   ।
युरोपम बढ्ती गर्मी ओ डढेलोसे नेपाल ओ तिब्बतम हिमनदी पग्लती आइल म विनाशकारी बाढीसम्मके घटनासे जोखिम बढ्ती रहल बा । तापक्रम १.५ डिग्री सेल्सियसके सीमासे अस्थायी रूपके उपर जैना सम्भावनाहे चरम मौसमी घटनाके जोखिम थप बढैना वैज्ञानिक चेतावनी देहेल बाटै । 
कार्यक्रमम अर्थतन्त्रहे हरित बनैना, उत्सर्जन घटैना ओ विकासशील मुलुकहे जलवायु लक्ष्य पूरा कर्ना ओ जोखिम सामना कर्ना आवश्यक वित्त जुटैना विषयम जोड देहेल बाटै ।  टर्की सन् २०३५ सम्म विश्वव्यापी अन्तिम ऊर्जा खपतम विद्युतके हिस्सा ३५ प्रतिशत पुगैना ‘३५×३५’ लक्ष्य आघे सारल बाटै । तर नवीकरणीय ऊर्जाके हिस्सा स्पष्ट करल नैहो ।
यहेबिच, जलवायु परिवर्तनके उच्च जोखिमम रहल नेपालके लाग जलवायु वित्त ओ क्षति ओ नोक्सानी कोष महत्वपूर्ण विषय बन्ना देखाइल बा । नेपालके विदेशमन्त्री शिशिर खना न्यून हरितगृह ग्यास उत्सर्जन कर्ना जलवायु जोखिमम रहल देशके लाग आर्थिक सहयोग परोपकार नैहोके कानूनी ओ नैतिक दायित्व हूइल बताइल बाटै । 
गैरनाफामूलक संस्था युनियन अफ कन्सन्र्ड साइन्टिस्ट्सकी राहेल क्लिटस जलवायु परिवर्तनसे ज्यादा प्रभावित तर कम वित्तीय सहयोग पाइल देशके लाग क्षति ओ नोक्सानी कोषम नेपालके भूमिका महत्वपूर्ण हुइना बताइल बाटै । उहाँ गुटेरेस जलवायु न्याय ओ कमजोर मुलुकके आवाजहे विश्वमञ्चम प्रभावकारीरूपम उठैती आइल  बताइल बाटै ।