अमेरिकी रक्षा मन्त्रालय पेन्टागन इरानविरुद्धके युद्धम खर्च हूइल हतियारके भण्डार पुनः पूर्ति कर्ना एसएम–६ क्षेप्यास्त्रके उत्पादन बढैलाग रेथियोनहे २४ अर्ब ४० करोड अमेरिकी डलरके सम्झौता देना घोषणा कर्ले बाटै ।
पाँच वर्षके लाग हुइना सम्झौताम थप दुई वर्षके विकल्पसमेत बा । पेन्टागन एसएम–६ हे हवाई प्रतिरक्षा ओ सतहविरुद्ध प्रयोग हुइना महत्त्वपूर्ण क्षेप्यास्त्रके रूपम उल्लेख कर्ती सम्झौता रक्षा उद्योगहे जनशक्ति ओ आपूर्ति शृङ्खला विस्तार कर्ना दीर्घकालीन योजना बनाइलाग सहयोग पुग्ना जनाइल बाटै । 
अमेरिकी रक्षा विभागके महानिरीक्षक गत महिना इरानविरुद्धके ‘अपरेसन एपिक फ्युरी’ मे हूइल हतियार खर्चसे रणनीतिक भण्डारमे कमी लानल ओ हतियार पुनः पूर्तिमा औद्योगिक क्षमतासम्बन्धी समस्या देख्गील बताइल रल । कङ्ग्रेसनल बजेट कार्यालय फेन सेप्टेम्बर १५ के प्रतिवेदनम अमेरिकासँग धेर वर्षसम्म इन्टरसेप्टर क्षेप्यास्त्रके सीमित भण्डार रहना उल्लेख कर्ले रहित ।रेथियोनहे एसएम–६ अमेरिकी नौसेनाके पानीजहाज ओ स्थलसे प्रक्षेपण कर्ना प्रणालीसे सफलतापूर्वक प्रयोग करल जनैल बाटै ।  कम्पनीके अध्यक्ष फिल जास्परले उत्पादन क्षमता बढैलाग आपन सञ्चालन ओ उत्पादन केन्द्रम निरन्तर लगानी हूइती रहल बताइल बाटै  ।यहेबिचमे, अमेरिका ओ इजरायलके इरानउपरके आक्रमण सुरु हूइल सात महिनासे ज्यादा समयपाछे फेन तेहरान हर्मुज जलघाँटीउपर नियन्त्रण कायम धरल बताइल बाटै । ‘वाल स्ट्रिट जर्नल’ के अनुसार राष्ट्रपति डोनाल्ड ट्रम्प नोभेम्बरके अन्त्यसम्म इरानउपर पुनः बमबारी कर्ना अपेक्षा सहयोगीहे बताइल बाटै ।