कैलाली ओ कञ्चनपुरसे लागुऔषधसहित सात जाने पक्राउ परल बाटै । कैलालीके लम्कीचुहा नगरपालिका–४ से १ ग्राम ४ सय ९० मिलिग्राम खैरो हेरोइनसहित दुई जाने पक्राउ परल बाटै । पक्राउ पर्नामे स्थानीय २० वर्षीय पूर्णबहादुर चन्द ओ २४ वर्षीय शंकर देउवा रहल बा ।
अस्तके, धनगढी उपमहानगरपालिका–४ शिवपुरीधामसे १ सय ७७ मिलिग्राम ब्राउनसुगरसहित ३२ वर्षीय टनक अवस्थी ओ ३४ वर्षीय राजु बिष्ट पक्राउ परल बाटै । उहाहुक्र प्रयोग करल से ५ प ४३१३ नम्बरके मोटरसाइकलसमेत प्रहरीहुक्र बरामद कर्ले बाटै । 
धनगढी–१३ राजपुरसे १ सय १७ मिलिग्राम ब्राउनसुगरसहित २५ वर्षीय आशिष भट्ट ओ सोही वडाके कैलालीगाउँसे १ ग्राम ८ सय २२ मिलिग्राम पदार्थसहित ३८ वर्षीय आकाश राना पक्राउ परल बाटै । अस्तके, कञ्चनपुरके भीमदत्त नगरपालिका–११ से १ ग्राम ८ सय मिलिग्राम खैरो हेरोइनसहित भीमदत्त नगरपालिका–१८ के २६ वर्षीय रामकृष्ण बराल पक्राउ परल बाटै ।
प्रहरीके अनुसार उहाहुकनहे विभिन्न स्थानमे खटल प्रहरी टोलीह्ुक्र पक्राउ कर्ले बाटै । पक्राउ परेकाहुकनकेउपर थप अनुसन्धान हुइती रहल प्रहरीहुक्र जनाइल बाटै ।