कैलालीम १३ वर्षीया बालिकाउपर जबरजस्ती करणी करल आरोपम ४५ वर्षीय एक व्यक्ति पक्राउ परल बाट ।
प्रहरीके अनुसार गोदावरी नगरपालिका–९ बैठ्ना ४५ वर्षीय झेलु कना नवीन चौधरीहे जबरजस्ती करणीसम्बन्धी उजुरीके आधारम आइतबार सन्झ्याके पक्राउ करल बाट ।
इलाका प्रहरी कार्यालय मालाखेती, कैलालीसे खटल प्रहरी टोलीहूक्र चौधरीहे पक्राउ करल जनाइल बाट ।
घटनाबारे थप अनुसन्धान हूइती रहल जिल्ला प्रहरी कार्यालय कैलालीसे जनाइल बाट । अनुसन्धानके क्रमम घटनासँगे सम्बन्धित थप तथ्य खुल्ना प्रहरीहूक्र जनाइल बाट ।
