जापानीज इन्सेफलाइटिस (जेई) के जोखिम बढलपाछे कैलालीमे सञ्चालन हूइल खोप अभियानअन्तर्गत हालसम्म एक लाख ११ हजार ७९० जाने खोप लगाइल बाटै । 
स्वास्थ्य् ओ जनसङ्ख्या मन्त्रालयअन्तर्गतके परिवार कल्याण महाशाखाके पछिल्लो प्रतिवेदनअनुसार कैलालीके घोडाघोडी नगरपालिका, धनगढी उपमहानगरपालिका ओ लम्कीचुहा नगरपालिकामे आबे जेईविरुद्धके खोप अभियान सञ्चालन हूइती बा । अभियानमे ३० वर्ष ओ उहिसे उपरके मनैनहे  स्वास्थ्यकर्मीहूकन लक्षित कर्ले बाटै । 
नेपालमे सन् २०२६ मे हालसम्म एक हजार ३७२ जनामे एक्युट इन्सेफलाइटिस सिन्ड्रोम (एईएस) देखाइल बा । ओकरमध्य १३१ जनामे जापानीज इन्सेफलाइटिस पुष्टि हूइल परिवार कल्याण महाशाखाहूक्र जनाइल बाटै । 
देशके ३७ जिल्लाके ९० स्थानीय तहमे जेई सङ्क्रमण पुष्टि हूइल बा । परिवार कल्याण महाशाखाके अनुसार अधिकांश सङ्क्रमित धानखेत ओ सुँगुर फार्म आजरपाजर बसोबास कर्ना ओ कृषि पेसामे संलग्न मनै रहल बाटै ।