कैलालीके विभिन्न स्थानसे प्रहरीहूक्र करिब १० लाख रुपैयाँ बराबरके भन्सार छली कैके भारतसे लानल सामान बरामद कर्ले बाटै । 
जिल्ला प्रहरी कार्यालय कैलाली मातहतके कार्यालयसे मंगलबार खटल प्रहरी टोलीहूक्र बेवारिसे अवस्थाम रहल विभिन्न सामान फेला पार्के नियन्त्रणम लेहेल बाटै । 
प्रहरीके अनुसार बरामद सामानम सुटपिस, ब्लाउज, बटन, हुक्स, कपडा मेसिनके सटल, इलास्टिक, सर्ट, फ्रक, कुर्ती, किराना सामान ओ अटो थान–१ लगायत रहल बा । 
बरामद सामानके अन्दाजी मूल्य ९ लाख ९२ हजार ३२५ रुपैयाँ रहल प्रहरीहूक्र जनाइल बाटै ।  आवश्यक प्रक्रिया पूरा कैके सामान नियन्त्रणम लेहेल प्रहरीहूक्र जनाइल बाटै ।