कञ्चनपुरः कञ्चनपुरसे अवैध सामानसहित १ जाने पक्राउ परल बाटै ।
जिल्लाके बेलौरी नगरपालिका–२ बैजुडाँडासे अबैंध रुपमे भारतसे भन्सार छली कैके लानल अन्दाजी मूल्य १ लाख ४८ हजार ६३२ बराबरके ११ क्विन्टल २६ किलो तोरीसहित सोही ठाउँ बैठ्ना ४२ वर्षीय मनोज चौधरी  पक्राउ परल बाटै ।
चौधरीहे सुदूरपश्चिम प्रदेश प्रहरी कार्यालय धनगढी ओ इलाका प्रहरी कार्यालय बेलौरी, कञ्चनपुरसे संयुक्त रुपमे खटल प्रहरी टोलीहुक्र बिहिबार दिनके फेला पार्के आवश्यक प्रक्रिया पुरा कैके आवश्यक कारबाहीके लाग त्रिनगर भन्सार कार्यालय धनगढी, कैलाली पठाइल बाटै । अस्तके, कञ्चनपुर भीमदत्त नगरपालिका–१७ वाँसखेडासे अवैध रुपमे भारतसे भन्सार छली कैके लानल अन्दाजी मूल्य २० हजार २०० बराबरके पेय पदार्थ, चिनी, सुर्ति, बिडी लगायतके सामान बिहिबार साँझके अस्थायी प्रहरी पोष्ट मझगाउँ, कञ्चनपुरसे खटल प्रहरी टोलीहुक्र बेवारिसे अवस्थामे फेला पार्के नियन्त्रणमे लेहे बाटै ।