प्रधानमन्त्री राहत कोषम करिब १२ अर्ब जम्मा हूइल बा । गत भदौ १० गते रसुवाके भोटेकोशी नदीम आइल बाढीपाछ राहत ओ उद्धारके लाग आह्वान करल प्रधानमन्त्री राहत कोषम कुल ११ अर्ब ९८ करोड ९७ लाख ९६ हजार ८४ रूपियाँ मौज्दात रहल प्रधानमन्त्री ओ मन्त्रिपरिषद् कार्यालयहूक्रे जनाइल बाट ।
कोषम जम्मा हूइल उक्त रकममध्ये ९ थो वाणिज्य बैंकके खाताम ८ अर्ब ७८ करोड ८२ लाख ५८ हजार ३०४ रूपियाँ मौज्दात बा । अस्तेके, दुई थो वाणिज्य बैंकमे २ करोड ११ लाख ४३ हजार ४२७ अमेरिकी डलर मौज्दात रहल बा ।   
यकरआघे बाढी प्रभावित क्षेत्रमे राहत ओ उद्धारके लाग यहे कोषसे १ अर्ब रूपियाँ राष्ट्रिय विपद जोखिम न्यूनीकरण ओ व्यवस्थापन प्राधिकरणम निकासा होगिल बा । बाढीपाछे सरकारहूक्रे राहत ओ पुनस्र्थापनाके लाग सहयोग कर्ना सार्वजनिक आह्वान कर्नासँगे स्वदेश ओ विदेशसे रकम सङ्कलन होके कोषम दाखिला हूइल बा ।